إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

للحفاظ ع عمر البطاريه

(أُنشأ الموضوع في: 09-06-2021 02:14 PM)
Fady22
Active Level 9
خيارات
إرشادات المجتمع
عشان الناس اللى بتسأل اعدادات البطارية المناسبة عشان تخلى الفون مايستهلكش طاقة بدون داعى لازم نفهم الاول شوية حاجات : اساسيات استخدام الهاتف : 1- ماينفعش اشحن الفون بشاحن غير اصلى او كابل غير اصلى 2- ماينفعش استخدم الفون وانا بشحنة سواء اللعب علية او افتح فيس او شات كل دة بيضر البطارية 3- ماينفعش اشحن الفون شوية واشيلة واستخدمة وارجع اركبة تانى وهكذا 4- ماينفعش اوصل الفون كل شوية ل1% و 2% فى كل شحنة كدة غلط على البطارية 5- ماشحنش الفون بباور بانك ( عشان مش بثق فيهم ولا فى شحنتهم نهائى وبوظوا بطاريات كتير ودواير شحن كتير لهواتف ) 6- ماتنزلش اى برنامج من خارج ال store ,وتكون كمان متأكد من الRate بتاعة قبل ماتنزلة 7- طول مال signal عندك ضعيفة او غير مستقرة ماتستناش اداء بطارية من الفون خصوصا لو فاتح داتا وهتلاقى حرارة الفون عليت اتوماتيك بسبب انة بيعمل سكان كتير 8- ماتوصلش الجهاز ب pc او فلاشة وانت مش عارف هل مافيش عليهم فيروسات ولا لأ 9- يفضل وانت بتشحن الفون تشيل الجراب فى فترة الصيف عشان مايأثرش على البطارية من السخونية 10- يفضل لما تلاقى الجو حر تقفل الشحن السوبر لان اكتر حاجة بتأثر على البطارية هية الحرارة العالية اعدادات الهاتف نفسها : لجميع الهواتف السامسونج هتلاقوا نفس الاعدادات تقريبا موجودة فى نفس المكان : 1- setting - connection - mobile network - network mode ونخلية يبدأ من ( lte/ 3g/2g ) للهواتف اللى فيها 5g بالنسبة للهواتف اللى فيها 4g مالهومش علاقة بالاختيار دة - ويتم قفل ال data roaming لو متفعلة 2- setting - connection - more connection ويتم اغلاق كل من : * nearby device scanning * printing 3- يتم عمل disable / uninstall لاى تطبيقات انت مش محتاجها او مش بتستخدمها 4- setting - device care - battery - more battery setting وتقفل الشحن اللاسلكى ( fast wireless charging ) طالما انت مش محتاجة وفى نفس القائمة تفعل ال adaptive battery وتقفل ال enhanced performance 5- setting - device care - battery - background usage limits وتحط التطبيقات اللى انت مش محتاجها فى ال deep sleep دية كدة الاعدادات بتاعة الجهاز مش عامل حاجة اكتر من كدة * مايجيبش حد بقى يبقى مبهدل تليفونة شهور ويعمل الاعدادات دية وفى الاخر يقولى ماظبطتش , هقولة ماهو الحاجة مش هتتصلح فى يوم وليلة ولو عايزها تظبط فى اسرع وقت ( اقفل الشحن السريع ) لمدة اسبوع وهتلاقى تحسن واضح فى البطارية ان شاء الله ملحوظة : دية اعدادت الجهاز من وجهة نظرى سواء اساسيات تعامل او اعدادات , اللى شايفها غلط هو حر ويكمل زى ماهو عايز بس دية طريقتى ماشى عليها بقالى كتير والحمد لله مافيش فون اثر معايا فى البطارية مهما طالت مدة الاستخدام واللى نفذ الخطوات يقولى بعد اسبوع هل فعلا لقى تحسن ولا مافرقش معاة فى حاجة والسلام عليكم ورحمه الله وبركاته
 
 منقول
5 التعليقات
MustafaJoussif
Active Level 5
خيارات
إرشادات المجتمع
مشكور والكلام ده فعلا صحيح
بالاضافة
حاول متمسحش التطبيقات من ع الرام ع طول لان اعادة فتح التطبيق بتستهلك اكتر من انك تسيبو مفتوح والغي السطوع التلقائي وبكده البطارية هتفرق معاك فرق واضح وعن تجربة
Fady22
Active Level 9
خيارات
إرشادات المجتمع
بالضبط
كلامك صحيح جدا
Caesar_2020
Expert Level 2
خيارات
إرشادات المجتمع
👍👍👍👍
0 نقاط إعجاب
IsmailSalah
Expert Level 1
خيارات
إرشادات المجتمع
عاااش الله ينور
0 نقاط إعجاب
Sara-nader
Moderator
Moderator
خيارات
إرشادات المجتمع

صباح الخير يا فندم مع حضرتك ساره من سامسونج مصر

بنشكرك جدا على مشاركتك ومجهودك معانا وبنتمنى لحضرتك يوم سعيد

ولو عند حضرتك أى استفسار أستأذنك توضحه

واحنا موجودين تحت امر حضرتك وفى خدمتك فى أى وقت 

شكرا لحضرتك ولوقتك

0 نقاط إعجاب