السلام عليكم ورحمة الله
الحين دايم ذاكرة الجهاز ترتفع و تتعبى بسرعة حتى لو الجوال سعة التخزين حقته كبيرة
اكثر شي ياخذ مساحة هو بند اسمه "غير ذلك" زيما هو موضح في الصورة
فيه كم اخ هنا جزاهم الله خير تكلموا في الموضوع و خلاصة الل فهمته منهم ان هذا البند خاص ببيانات التطبيقات اللي من طرف ثالث زي واتساب و غيره
دخلت الحين على التطبيقات عندي سويت مذبحة و حذفت بيانات تطبيقات كثيرة و الذاكرة عندي جزء كبير منها اتحرر لكن باقي بند "غير ذلك" ما تحرك فيه شعرة.
ايش الطريقة الل اتخلص فيها من هذه المساحة الكبيرة
تعديل: طبعا الأخ المطيري سباق لعرض حلول للمشاكل جزاه الله خير و الأخ عبدالرحمن مشكور أيضا. وكنت أتمنى يترك خيار الحلول المقولة لصاحب المشكلة حتى يعرف المتابع اي الحلول الل نفعت مع صاحب المشكلة تحديدا.
الحقيقة لقيت الحل و اتمنى ان لو احد سأل بعدين تكون هذه المعلومة من ضمن المقترحات لحل مشكلة حذف بند غير ذلك.
الموضوع ببساطة في المجلد الامن!!!
اي شي موجود في المجلد الأمن تلقاه في بند غير ذلك.
طبعا البعض يستخدمه عشان يحط اكثر من حساب واتس مثلا على الجوال لكن فيه طريقة ثانية غير المجلد الأمن و انصح الل ما فعله لا يفعله ماله داعي ( اكيد ماعندك أكواد الصواريخ النووية 😏)
طبعا جربت كل شي له علاقة بالتطبيقات و خاصة السوشال ميديا و اليوتيوب و غيره.. في الحقيقة انا مشيت عليها تطبيق تطبيق حذفت الذاكرة المؤقتة... بلا فائدة
بعدين بدأت مذبحة في التطبيقات احذف بياناتها و احذفها نفسها.. والنتيجة متواضعة جدا
صحيح حصلت على مساحة كبيرة محررة بعدها.. لكن بند غير ذلك ما تأثر الا بشكل بسيط نص جيجا او اكثر من اصل ثمانية و عشرين جيجا.
حذفت العاب مساحة بياناتها كانت سبعة جيجا... ولا تأثر البند!
الين بدأت انظف في المجلد الأمن و امسح و النتيجة مذهلة
الصورة تبين الفرق بعد ( تذكر فيه مساحة كبيرة انخفضت بسبب مسح التطبيقات و بياناتها المؤقتة وغير المؤقتة لكن بند غير ذلك ما نقص منه شي يذكر )
