لعلي ابتدي بصلب الموضوع مباشره وتناول بعض النقاط الاستفزازيه وحتى ولو لم تكن مستقصده الخ،،،!
في طبيعة الحال نجد أخطاء في بعض الاجهزه تكون هاردوير مثل المعالج وارتفاع حرارته او الاستنزاف الخ
لما اطرح حل معين لتفادي الحراره والاستنزاف بقدر المستطاع ليس تبريرا عن الجهاز الخ والاغلب هنا يعرفني قد تكلمت عن سامسونج في بعض الأمور والبعض زعل وقتها ومقصدي وقتها عتب واقولها للمره الثانيه مايهمني سامسونج او ابل شي اشوفه خطأ اقول خطأ واللي يرجع لمواضيعي بيشوف بعينه😶
انا تخصصي صيانه اجهزه وحلول للمشاكل ولست تقني مهتم بقطع الهاردوير وتطوراتها الا اني اقرا عنها ولكن متخصص صيانه وافهم بالصيانه كثير
لذلك لست مسؤول الا بتوفير حلول تفيدك سواء كانت سام اخفقت في المعالج او خلافه وكلنا نعرف انها اخفقت حتى بتعاونها مع كوالكم ماحد ينكر الشي ولكن لما اعطيك حل مو معناتها اني ابرر عن الشركه او تلومني انك دفعت 5700 عشان تقفل الخ مو ذنبي انك دفعت كلنا دفعنا ومنطقيا حتى لو تكلمت هنا وفي تويتر وفي جزر الوطواط بنفس الاسطوانه دافع عشان اقفل هل الشركه بتعوضك!
هل تويتر بيعوضك!!
هل ميمبرز بيعوضك!!
المفترض تبحث عن حلول تساعدك في الحد من الاستنزاف او الحراره الخ👍
ولما اعطيك حل هل انا مجبور اني ارد عليك واحاول اعطيك حل يفيدك!!!
باستعدادي اقولك تواصل مع سامسونج واعطيك كيف تتواصل معها واجزم 200 بالميه ماراح يردون عليك او ان ردوا قالوا لك توجه للصيانه والصيانه ردهم سو فورمات!!!
لكن لما اجي ابحث واجرب واعطي وقتي كله للجهاز عشان أوفر لك حل واتعب في المنشور واجلس ساعتين او ثلاث ساعات انسق مابين تنسيق الكلمات والأفكار بحيث تكون سهله للفهم لكل مستويات العقول وحشاكم ليست مسبه ولكن العقول تختلف في الفهم لذلك احاول دائما تبسيط الحلول والشروحات إلى أبعد درجه حتى احسسك بعدم الملل في كتابة المنشور حتى وان كان طويل جدا
فمن الأدب والاحترام حتى وان ماعجبك الحل المقدم تكتفي بشكرا لك وانتهينا مايحتاج تنمر لاني لست مسؤول بغضبك تجاه سامسونج اساسا!!
انا هنا اعطيك حل وامشي فقط
لذلك ياليت نحترم بعضنا ونقدر جهود بعضنا
كرما🌹
او يكون آخر تواجد لي معكم لان همومي لحالها كافيه علي
لما اجتهد واعطيك وقتي كله ويعلم الله بعض الزملاء اجلس معه للفجر عشان احل له مشكله هل انا مجبور اني اسوي هالشي!!
حتى موظفين سامسونج بنفسهم ماسووها يجلس معك 3 ساعات او 5 ساعات خطوه خطوه!!!
ولا اقول هالشي تمنن او شوفوا انا مجتهد الخ ولا همني رأي احد طالما انا مقتنع ولكن يجب الاحترام لأنكم ماتعلمون وراء الكواليس واللي جرب وكلمني تليقرام عارف هالشي
يعلم الله ماسويت هالشي الا اني معتبر اجهزتكم من ممتلكاتي ليس إلا وخدمتكم لحاله سعاده بالنسبه لي وهمي الوحيد الله يجزاك خير ويشفيك ويفرج همك ماحس اني طلبت معجزه
عموما المنشور هذا خلوه مرجعيه صدقوني من أهم المنشورات اللي كتبتها ومايعرف قيمتها الا اللي جربها
اللي مايعرفك يجهلك اذكر اول ماكنت جديد على الميمبر كنت اشتكي من مشاكل اس ٢١ الترا وكنت أرى بعض ردودك وكانت تعصبني شوي للني كنت اشوفك عضو فعال وتوقعاتي كانت بدايه تجاهك انك تدافع عن سامسونج بعد فتره عرفت انك مستخدم عادي وتحاول تساعد الكل بما تستطيع وخصصت من وقتك وجهدك الكثير. فارجع اعيد واقول اللي مايعرف يجهلك وانت خل بالك وسيع والله يكتب أجرك ويبارك في جهدك ووقتك. لك مني كل التحيه والتقدير والاحترام من أكثر الناس رقي تعاملت معهم هنا ونتعلم منك ونستفيد
