في منشور سابق ذكرت عن دلالات تحليل اسم طراز الجهاز و كان المثال وقتها A16 4G ، بس اليوم و أنا نايم ( لأن كل الأفكار ما بتجي غير وقت النوم 🙂 ) تذكرت اني ما شرحت شو يعني ان ينتمي الجهاز لسلسلة A او مثلا A1x ، و هون رح اشرحهم كلهم 😄
أسماء السلاسل
سلسلة A ( أضخم سلسلة )
اسمها مشتق من Awesome و معناها مذهل أو مدهش ، و هي بتكون خاصة بالأجهزة الاقتصادية و المتوسطة ، و بتتفرع لعدة سلاسل :
- A0x : هي اكتر الأجهزة رخصاً و أقلها كفاءة ، تفتقر لعدة مزايا مثل شاشات Super AMOLED و سلاسة 90 HZ و NFC و كتير شغلات Software مثل الأجهزة المجاورة و معزز الألعاب و التحكم المتعدد و التمرير الدائري للبحث و شغلات تانية كتيرة ، سعر أجهزتها بكون حوالي 100$ لنسخة 4G و حوالي 120$ لنسخة 5G
- A1x و A2x : سلسلتين اعلى بقليل من A0x و بتحتوي على قسم كبير من المزايا اللي بتفتقرلها A0x ، و من ميزاتها ان شاشاتها 90 HZ لنسخ 4G و 120 HZ لنسخ 5G ، سلسلة A1x بينقصها ميزة وحدة بتعملها قادرة على منافسة A2x بالسعر و الجودة ، و هي Always On Display أو AOD ، و اذا انضافت على السلسلة هيدي فـ سلسلة A2x رح تبقى متفوقة بنقطتين : عدم وجود نسخة 4G من اجهزتها ( بينما A1x عندها نسخة 4G ) و شوية سلاسة لا تذكر اذا قارنا A1x 5G vs A2x و بتكبر اذا قارنا A1x 4G vs A2x ، سعر اجهزة A1x 4G بكون حوالي 130$ إما 5G حوالي 150$ ، و A2x سعرها حوالي 200$ مع انها سلسلة لا تستحق دفع 50$ زيادة فقط على AOD و 5G ما متوفرة عندنا أصلا😅
- A3x : هي السلسلة اللي بدأت تحرز فرق ، فيها جميع ميزات A2x بس معالجاتها اقوى بفارق ملحوظ و صارت ظهورها زجاجية لما نزل A35 كأول جهاز A3x بظهر زجاج و استمروا على هالشي بـ A36 ، سعر اجهزتها حوالي 300$
- A5x : هي أعلى أجهزة بين كل أجهزة A و قادرة على منافسة الاجهزة اللي صدرت قبلها بـ 3 سنين من سلسلة S ، ما فيها شي بفارق كبير عن A3x غير انها تقدم تحسن ملحوظ بالأداء و سرعة استجابة هائلة ، و اذا تقارنت مع سلسلة S فرح تخسر بنقطتين ، الأداء و عدم وجود Samsung DeX اللي بيسمح للمستخدم يستخدم جهازه حرفيا كـ PC أندرويد اذا وصله على شاشة ، سعر أجهزتها حوالي 350$
سلسلة Z
بتضم الأجهزة القابلة للطي ، بتنقسم لـ 3 أقسام ( ما رح احكي عن السعر لأني ما بعرف أصلا متوسط سعر هيك أجهزة😅
- Z Fold : و هي الأجهزة القابلة للطي طولياً طيتين فقط ، و اذا فتحت طية الجهاز حيصير بإيدك تابلت بشاشة كبيرة جداً ، و من بعض ميزاتها الحلوة انك اذا كنت عم تلعب Asphalt عليه و طويت الشاشة نصف طوية ليصير شكله متل اللابتوب فرح تلاحظ ان الجزء السفلي صار بس خريطة و تحكم و الجزء العلوي صار بس طريق و سيارة ، يعني ما بقا بيتشتت انتباهك اثناء اللعب بسبب أصابعك و الخريطة و عناصر التحكم ( هون فجأة لقيت حالي عم احكي عن Gameloft أكتر ما عم احكي عن Z Fold😂😂 ) ، و تقدر تستخدم الجهاز كـ PC أندرويد اذا انوصل على شاشة بفضل Samsung DeX
- Z TriFold : ما نزل من هالسلسلة غير جهاز واحد أواخر 2025 ، بقدم تجرية شاشة أكثر من عملاقة ، بتسمحلك تعمل Multi-tasking أحسن من اللابتوب بفضل الشاشة ثلاثية الطيات طولياً ، تصميمه جداً حلو ، و بتقدر تستخدمه كلابتوب اذا انوصل على شاشة بفضل Samsung DeX
- Z Flip : هي أجهزة قابلة للطي ، بس هالمرة عرضياً ، يعني مثل Nokia 2760 و Nokia 6131 كمبدأ ، لكن الفرق الجوهري ان بدل ما يكون الطرف الثاني ازرار عملوه شاشة ، و إله شاشة خارجية جانب الكاميرات ، لكن فيه مشكلة صغيرة بهالأجهزة رح اكتبها بالتعليقات مشان ما تضيع بالمنشور😅 ، و بتقدر تستخدمه كلابتوب بفضل Samsung DeX متل كل سلسلة Z
سلسلة S
هي أغلى سلسلة و أفخرها ، و تعتبر من أجهزة الـ Flagship المدللة ، فيها مزايا لا تعد ولا تحصى ، بتقدم أجهزتها الحديثة كاميرا 200MP و Zoom يصل إلى 100× ، سعر اجهزتها وقت الإطلاق حوالي 1500$ و بقل كل سنة حوالي 200$-300$
و بدأ تصنيع السلسلة عام 2010 بأول جهاز Galaxy S ، لكن المشكلة اللي واجهت الناس على Social media هو ان رقم جيل الجهاز ما يطابق سنة الإصدار ، يعني مثلاً S10 نزل عام 2019 و S8 نزل عام 2017 ... إلخ لكنها انحلت لما نزل S20
