يسعد صباح ومساء الجميع حسب توقيتك فديت قلبك وروحك💙
ادري اني تكلمت تقريبا بأكثر من منشور وتفصيلي اكثر واكثر وجايب نتيجه في تقليل الاستنزاف بشكل خورافي
والان راح اتكلم فيه من البدايه ومرفق اخر المنشور شرح بالفيديو👍
كلنا نعرف ان سامسونج نظامه لقوقل والواجهه لسامسونج وهذا يعني أنك راح تتعامل مع نظامين بخدماتها الخ
على سبيل المثال وليس الحصر العثور ع الجهاز موجود لسامسونج وكذلك لقوقل وكثير اشياء مكرره وتصرف عليك بطاريه بالاضافه إلى انها تستنزف من بياناتك بعد😁
وش رايك نبدأ على طول بالخطوات؟! يالله بينا ☺️
اولا : لازم تعرف برامجك المهمه اللي تدخلها بشكل يومي بالثانيه والدقيقه والساعه لان هالموضوع يهمنا🙃✌️
طيب كم وصلت المهمه صدقني ماراح تتعدى 15 برغم الرقم مبالغ فيه لكن ماراح تتجاوزه
البرامج الثانيه كلها سكون عميق كم 100 200 الخ!!
للمعلوميه بهذي الحركه انت حليت 95 بالميه من المشاكل اللي ممكن تتحصلها بمرور الوقت مثل اعادة تشغيل الجهاز مثل البطئ مثل التعليق ع الشاشه الخ من أمور تواجها حلها يكون اصلا السكون العميق✌️
لان البرامج اغلبها تسبب مشاكل أو كثرتها تسبب تعارضات بينها ويهنق جهازك او اي مشكله تحصل فبكذا انت حليت مشكلتين اساسا بمجرد سكون عميق
☝️
هنا اساسا حل مشاكلك والاستنزاف وصرف بيانات🙃
طيب خلصنا من اول نقطه ونجي لنقطه مهمه مو قلنا أجهزة سامسونج تتكون من نظامين؟!
طيب ياحلو انت تعرف ان قوقل تستلم تشخيص من جهازك بشكل دوري وتتابع تحركاتك بشكل دوري وكذلك نفس الفكره سامسونج؟!
يعني جهازك شغال يراسل سامسونج ويراسل قوقل اساسا😁
بالاضافه ياخذ نسخه احتياطيه لسامسونج ونسخه احتياطيه لقوقل يعني بياناتك شغاله سلخ وبطاريتك تدفع الحساب😁
قبل لا اوريكم اللي فوق عشان ما انسى افتح الضبط ثم البروفايل
اكاونت سامسونج👇
شايف المشاركه مع مستخدمين جالكسي🤔
هذي طفها اذا ماتبي تعمل قروبات مشاركه او شخص عنده رقمك يسوي لك دعوه الخ
نرجع لموضوعنا اتجه إلى الحمايه والخصوصية تمام اضغط ع الخصوصيه👇
شيل التفعيل من إرسال بيانات التشخيص لسامسونج😁
ادخل على خدمة التخصيص👇
☝️ شيل الصح لانه بيبدأ يعرض لك اعلانات حسب اهتمامك
نرجع الاخيره بيانات التشخيص لقوقل ووقفها برضه😁
تحسب خلصنا من الصفحه لا ياحبيبي بدري لسى بادين ياهوه😇
سجل المواقع الجغرافي شايفها ادخل ع كل ايميلك لك ووقف السجل لانه يبدأ يسجل تحركاتك وين رحت ووين جيت وكله موجود ومرفوع ع حسابك مباشره يعني جهازك شغال مع قوقل اكثر من سواليفك مع خويك😔💔
خلاص وقفت وامورك تمام اقرا اللي تحتها ايش ايوه بالضبط
سجل النشاط بنفس الطريقه ادخل ع كل ايميلات ووقف النشاط
لانه راح يرسل ع طول نشاطك في الويب وبرامجها الخ ومسجله عند قوقل وعارفه قوقل علومك كلها فقفل بلاش فضايح يابرنس😁
تحت النشاط الإعلانات اكبس عليه وسو حذف للمعرف تبع الإعلانات
الحمايه والطوارئ اذا حاب توقفها وقفها بالنسبه لي موقف الزلازل وتحديد الطوارئ والتحذيرات اللاسلكيه
نرجع للضبط ثم google😁
الأجهزة والمشاركه👇
☝️
قفلهم واذا احتجت للمشاركه عن قرب من تضغط ع مشاركه عن قرب بيجيك تفعيل اضغط عليه بكل سهوله فماله لزمه يكون شغاله 24 ساعه
زي ماقلنا النسخه الاحتياطيه انت اللي تحدد يا مع سامسونج وون درايف يا مع قوقل لاتاخذ الاثنين سوا ثم بطاريتك ماتجلس وجهازك مايفصل حراره😁
نفس الكلام مع العثور ع جهازي يامع سامسونج يا مع قوقل اختار واحد منهم
☝️ ادخل هون ووقف الكل
الان من الضبط ثم التطبيقات ثم الثلاث نقاط ثم إمكانية وصول مميزة👇
👇 التحكم بالواي فاي هنا تدري ان البرامج تتحكم بالواي فاي تقفلها وتفتحه وتزيل وتفتح نقطة اتصال فعشان تمنع هالشي الغ الكل😁👍
وهذا حل ع فكره للي يعاني يفتح الواي فاي ويتقفل 🤭
لما تدخل اضغط الثلاث نقاط ثم إخفاء تطبيقات النظام والغ التفعيل عن الكل👇😁
بكذا ياحلوين وصلنا إلى نهاية المنشور وتقدر تعملها وتجرب وتكتب لنا الفرق بعد 3 ايام ايه الحاصل معك😁
بقولكم ايش اللي صار معي👇
كنت اصحى للدوام القاه نازل إلى 75 إلى 70
حاليا من 90 الى 85
ارجع من الدوام وانا قليل استخدمه في السابق من 40 إلى 30
الحالي من 50 إلى 60 مابينهم
فيه حاليا اثنين من الأعضاء يجربونها وراح يردون علي بالنتيجه
كذلك بعد ماتجرب من 3 ايام إلى 4 ايام
نزل للبرنامج لاتغير من اللي فوق شي فقط شغل البرنامج👇
يمدحه اكثر من شخص لي ففعله بعد ماتجرب الطريقه الأولى ثم جرب انك تضيف معه هالبرنامج وعطني النتيجه بالمنشور هنا😁
* ملاحظه اس 22 الترا استنزافه عالي
وانا مفعل always on display والشاشه WQHD وتكييفي
برغم ذلك شايف الحين ارحم برغم التوفير مابين 25 إلى 20 بالميه 🤭😂
طيب وهنا الشرح فيديو👇
وهنا المجلد كامل فيه جميع الشروحات مع التطبيقات المشروحه
للي يحب يدعمني بالمجلد يشترك واتشرف بالجميع ولعله يبقى موسوعة للجميع💙
المطيزي🌹
