يسعد صباحكم جميعا 🌹
الموضوع مختلف اليوم لأنها تجربة لشخص آخر وأخذت منه الأذن بشرحها تفصيلا بعد ما أخذت منه كافة المعلومات
الأخ الفاضل عبدالرحمن الله يسعده قدر يحل المشكله وأصر الا ينقلها للجميع للفايده عامه وقبل لا اسرد الطريقه المتخذه من عبدالرحمن ببين شغله ربما اصبت فيها او أخطأت
لما انتقلنا انا والأغلبية من الروم السعودي إلى الألماني بدون مشاكل وهو اختلاف الترميز بين الدولتين فالسعودية على
OJM والالماني OXM فلذلك حدث معنا طبيعي والله اعلم
نجي لموضوع عبدالرحمن وتفصيلا لما حصل معه 🤔
كان على اندرويد 11 وواجهة 3.0 بترميز OXM
وحدث ع الماني اندرويد 11 بواجهة 3.1 بترميز oxm
لكن العجيب ماتحول معه csc وضل سعودي
حتى إذا وصله سمارت يعطيه سعودي اي بمعنى ماراح ياصل له التحديث الألماني ولا وصل له تحديث الأمس 👍
الطريقه اللي سواها عبدالرحمن جدا منطقيه وزبطت معه
اول شي رجع لإصدار اقل على رمز الحمايه وهو رقم 6
كان على اول تحديث أعلى القائمة برمز حمايه 6 بعد الترميز oxm
رجع على الأخير برمز حمايه 6 عشان ترجع لازم يتوافق رمز الحمايه 👍
النقطه المهمه عشان المشاكل أثناء التركيب لازم تستخدم csc انتبه تستخدم CSC_home لانه بيحصل أخطاء الأفضل خذ نسخه احتياطيه قبل الرجوع وكذلك تختار هذي اذا جيت تفلش
طيب بعد مارجع عبدالرحمن للاصدار الاقل طبعا مازال يعطيه سعودي وش اللي سواه عبدالرحمن انتقل الى أحدث روم اندنوسي برمز حمايه 6 وبترميز OLE
وتغير معه CSC واخيرا من السعودي 🤩👌
في هذي المرحله رجع فلش نفس الإصدار الألماني اللي نزل له سابقا
وتغير معه csc ومزود الخدمه للألماني 🤩👍
النقطه المهمه راح يجيك خيار لمزود الخدمه اللي عندك ومن ضمن الخيارات البقاء ع الالماني لازم تختار الألماني ولا يروح شغلك عبث وهذا اللي سواه عبدالرحمن 👌
بعده جاه مشكله في التعذر لمزود الخدمه وممكن تصدف معك اخي الفاضل
الحل اول ماتركب الألماني ابحث عن في الضبط ثم التطبيقات عن مسؤول التحقق عن الشريحه
سو لها إيقاف إجباري ثم مسح البيانات 👍
وماراح تجيك 🤩👌
بعدها بتستقبل التحديث الهوائي طبيعي على الروم الألماني 🤩🤩🤩
الخلاصه هل المشكله تكون بالترميز لان حاليا اغلب الترميز oxm او يكون بعد التحديث الأمني قبل الأخير بعد واجهة 3.1 وصعب الانتقال من روم لروم وكانت غير محدثه في الروم الاندنوسي 🤔
مازلت متأكد ان المشكله بالترميز omx ولو كان ترميز السعوديه غيره تنتقل طبيعي 🤔 مثل ماحصل معي في s20fe وكثير من الزملاء اللي نقل خصيصا في هذا الجوال
قفله :
بيض الله وجهك يا عبدالرحمن على الحل والافاده ومجهودك المميز في حل المشكله صراحه افدتني ولو غثيتك بالاسئله 😂💙
المجال مفتوح للنقاش حول السبب في الترميز او في التحديث الأمني قبل الأخير مثل ماذكر عبدالرحمن سابقا🌹
تحديث جديد :
السبب في تقفيل البوتلودر بعد تحديث فبراير اي بمعنى يناير تنتقل طبيعي اما اذا حدثت فبراير فلازم تتخذ الطريقه بعاليه تنتقل للاندنوسي لانه مازال البوتلودر قديم
المطيري 🌹
