يا جماعة نصيحة تقنية لكل مستخدمي سامسونج، لو حاسس إن موبايلك بدأ يقطع (Lag) أو استجابته بقت أبطأ، ادخل فوراً على الإعدادات واقفل خاصية الـ RAM Plus. الخاصية دي بتاخد مساحة من الذاكرة الداخلية وتستخدمها كرامات، وده بيجهد الجهاز ويقلل سلاسته مع الوقت. جربوا تقفلوها وهتحسوا بفرق كبير.".
ال RAM Plus فكرتها ان الجهاز بياخد من مساحة الجهاز الفعلية المقدار الي انت محدده عشان المعالج بيبداء يستخدم منها ك رام لما الرام الأساسية تتملي للاخر
ده بينتج عنه ميزة وعيب :الميزة ان لو الجهازك راماته مش مكفية استخدامك فبتالي بتوفرلك حل "يمشي الدنيا" بحيث تقدر تستخدم براحتك من غير ما الرام تزعجك بسبب انها مليانة
:العيب هي "بتمشي الدنيا" لانها بتقلل سرعة الرامات الاساسية وبالتالي الاداء مش بيبقي احسن حاجة وده بسبب ان سرعة التخزين بتبقي اقل من سرعة الرام وده شيء منطقي وده الي مش بيخليها حاجة مش عملية اوي للاستخدام الابدي
فالخلاصة انت لو محتاجها فعلها وهتمشي امورك لحد ما تطور لجهاز راماته اعلي وتحديدا الناس الي معاها 4 او 6 رام اساسيين معاك اكتر من 8 رام اقفلها من غير ما تفكر
مش محتاجها الافضل طبعا تقفلها عشان تستخدم جهازك بقوته الطبيعية والاداء هيبقي افضل طبعا من لما تشغلها
طب انت مش عارف هل انت محتاجها ولا لا٬ اقفلها لمدة 3 او 5 ايام واستخدم جهازك طبيعي وهتعرف ان فعلا الرامات مش مكفياك ولا مكفياك وسعتها انت هتقرر انت مش مشغلها اصلا وامورك تمام يبقي متشغلهاش
تسلم يا غالي على التوضيح والإضافة القيمة جداً، وكلامك سليم تقنياً 100%. فعلاً الـ RAM Plus حل مؤقت ومفيد للأجهزة اللي راماتها قليلة عشان تقدر تفتح تطبيقات أكتر في الخلفية.
أنا كان قصدي من التحذير هو 'الأداء والسرعة' (Performance)، لأن زي ما أنت ذكرت، سرعة التخزين الداخلي مهما كانت مش هتوصل لسرعة الرامات الأساسية، وده اللي بيسبب (Lag) لبعض المستخدمين. فاللي محتاج 'سلاسة' وسرعة استجابة الأفضل يقفلها، واللي محتاج 'تعدد مهام' وتطبيقات كتير تفضل مفتوحة الأفضل يشغلها.
