يا جماعة انا عاوز اقول لكم على موقف حصلى مع شركة سامسونج وللأسف الموقف زعلني وقلت لازم انبه الناس عنه
الفون بتاعى جت عليه اشعار تحذير ان عدم استخدام ال USB عشان فيه رطوبة او اتربة وافصل الشحن عشان فيه خطر على الفون وهنشر لكم الاشعار اللى جانى اهو
المهم حجزت ميعاد عند توكيل سامسونج فرع عباس العقاد وده اشعار الحجز اهو
خلصت شغلى عشان بشتغل بليل وروحت الساعة ٩ص وفضلت مستنى لحد الساعة ١٠ لما فتحو اخدت رقم ودخلت على فنى الصيانة قولته على المشكلة ان الفون رافض يشحن بكابل USB وورتله الاشعار اللى جانى والله ياجماعة بص على الاشعار وقالى لازم تغير سوكت الشحن او مجرى الشحن وده هيكلفك ٦٥٠ جنيه وراح خابط الكلمه ليا من غير ما يعمل فحص للجهاز ولا حتى يجرب ينضف الجهاز زى ما الاشعار بيقول ولسه بقوله يافندم الاشعار بيقول تنضيف واصحابى سألتهم قالولى دى رطوبة فى مجرى الشحن عاوزة تنضيف قالى وقاطعنى اصحابك ايه يا فندم بقولك لازم نغير مجرى الشحن ب ٦٥٠ جنيه وبصلى وكمل وقالى ايه هتعمل ايه بمعنى انه عاوز رد منى لإما أنهى معاه الحوار وامشى او لادفع لامشى قولته لو سمحت الجهاز واخدته منه ومشيت وانا زعلان وعنفت نفسى انى للأسف اشتريت جهاز من سامسونج غالى زى اللى معايا +Not 10 وايضا انى طخيت المشوار ورحت لتوكيل وبعد ما خرجت وانا ماشى فى شارع عباس العقاد لقيت محل صيانة دخلت اجرب وقولت لو هينضف ماشى لو هيفتح الجهاز يبقى التوكيل اضمن بتاع المحل مسك الفون ورش على مكان سوكت الشحن نقطة سبرتو وفرشة أسنان ونضف مكان USB وسابه لمدة ١٠ دقايق وفتح الجهاز وبفضل الله الرسالة اختفت وقبل شحن واتصلح والحمد لله وبقوله كام الحساب قالى والله ما واخد منك حاجة دى ساعة اصطباحة واخدت الجهاز ومشيت وانا فرحان انه اتصلح وزعلت من شركة سامسونج عشان انها شركة كبيرة بس للأسف
معلش طولت عليكم بس قولت انبهكم من تجربتى واللى عملته صح ولا غلط وليا حق ازعل ولا لا
