يسعد مساكم🌹
طبعا انا رجال مدخن اكثر من ١٥ سنه 🥹
كثير حاولت اترك الدخان ولا فيه فايده اكثر مده تركته يومين الى ٣ ايام وارجع له
مره جالس مع الشباب قبل رمضان بايام وتكلمو عن دزرت يساعد للاقلاع
صراحه عجبتني الفكره
ودخلت موقعهم وافضل دخول تدخل من ٣ العصر لين ٥ العصر هالوقت يتوفر ولحق او ماتلحق
طلب الحساب الواحد ٥ حبات فقط
تقدر تطلب من حسابين يعني مجموع ١٠ حبات تكفيك شهر كامل
عموما جربتها مع بداية رمضان وهدفي اني ابطل عادة التدخين وابشركم الان صار لي اكثر من شهر الدخان ماشربته😍
اليوم تواصلت مع عيادة التدخين وصرفوا لي لزقات واني ابطل ديزرت وابدا لزقات مدة شهر ثم شهر ثاني تخفيف جرعه ثم الشهر الثالث اخف جرعه ومتقطعه وبعدها خلاص
فانصح كل مدخن يحول ديزرت شهر او شهرين فقط ينسى عادة التدخين وانه يشوف الناس تدخن قدامه ولا له رغبه
اذا كملت شهر او شهرين حسب قناعتك عندك حلين
الاول تخفف قوة الديزرت الى ٦ او ٣ شهر ثاني كمثال
وبعدين تحول لزقات لين تتركه او تبدا لزقات مباشره
ادعو لي ان الله يعصمني عنه
وحبيت انقل لكم التجربه لعل وعسى شخص يستفيد
موفقين
