سامسونج لو معترفتش ان في مشكلة حقيقية في تأخير التحديثات عموما سواء الامآن او تحديثات النظام الخاصة بدولة مصر فقط دونا عن باقي دول العالم بشكل مبالغ فيه، ومشكلة عدم دعم السوفتوير المصري بالمميزات او المطورين مقارنة مع السوفتوير الخاص بأي دولة غير مصر ومهتمتش او ما حاولتش تحل المشكلتين دول، يبقى للأسف مع قوة الشركة ومع انها تعتبر اقوى منافس تاني للموبايلات بشكل عام، بس دة قلة تقدير من الشركة وميستهلش انك تدفع فلوس في شركة مش بتقدر مستخدمينها بدعم يناسب المبلغ المدفوع ليهم بأي شكل من الاشكال، السوفتوير المصري لو اتقارن مع سوفتوير اي دولة تاني لنفس الموبايل هتعرف ان انت مضحوك عليك والسوفتوير المصري مش مصروف على تطويره بتلاتة جنيه !!!! لما تخلوا المستخدم يضطر بشكل غير مباشر انو ينزل سوفتوير خاص بدولة تاني غير دولته عشان يستريح من مشاكل السوفتوير المصري اللي مش بتخلص وعشان يحس بقيمة الموبايل من مميزات جديدة، يبقى لازم تعترفوا ان عندك مشكلة ومش قادرين تحلوها 😏
بتعملونا كأننا اشترينا قطعة حديد، الدعم عندكم بتمنوا علينا بيه مش شئ اجباري او محطوط في اولوياتكم مع ان الدعم احنا دافعين تمنه 😡
انا كل كلامي على سامسونج مصر فقط لأنها غلط في غلط من اول الدعم والضمان لحد خدمة العملاء وموظفين الصيانة وخبرتهم المعدومة، انتوا سبب اساسي في ضرر سمعة سامسونج ك شركة، انا شايف ان سامسونج لازم تخلي مسؤوليتها من سامسونج مصر نهائي لأن من الواقع ان دة مجرد تشابه فقط في الاسم وال logo لاكن المعايير صفر 🙄
ياريت لو هيكون في رد من ال moderators يكون رد منطقي ويحترم عقلي ك بني آدم مش مجرد نسخ لنص او كلام محفوظ لأن انا عارف الرد هيكون بالشكل دة :
انت هتقولي عليهم، دة انا بقيت زبون عندهم 😀 بس من تجربتي معاهم احب اقولك انهم مش هيحلولك مشكلة او بمعنى اصح هيخدوك على قد عقلك طالما المشكلة مع شركة خاصة وبذات لو شركة international زي فودافون وسامسونج مثلا
