بطاريه سامسونج

[DavyJones100]

لاحظت كثير يسئلون عن البطاريه والشاحن وان الجوال يستنزف البطاريه بسرعه 

معي جوال سامسونج من ثلاث سنين على وضعه ماتغير 

السبب 

سلك اصلي من سامسونج مايقارب تسعين ريال

شاحن اصلي من سامسونج مايقارب ميه وسبعين ريال

اما شاحن ابو ريالين وسلك من سوق الجمعه راح تخرب البطاريه وتجي تكتب هنا معي جوال كذا و البطاريه ما تقعد غير ساعه 

ويجيك واحد يرد عليك اي رد مثل بطاريات سامسونج تعبانه 

وغيره يقول شف البرنامج يلي يستنزف حطه وضع سكون 

وغيره يقول نزل البرنامج الفلاني وأسباب مالها اي علاقه بالمشكلة 

[jeme1941]

اخوي معي جوال s23fe
سلك اصلي طبعا جا مع الجهاز وشاحن اصلي من مكتبه جرير
والجهاز جديد ويستنزف البطاريه بشكل موطبيعي
وتم مراجعة الشركة وتم تحويلي الي مركز المستقبل وكل ذا علي الفاضي ولازال الجوال مثل ماهو بطارية زفت ماتجلس
العيب من نفس تصنيع الجهاز ومن نفس شركه سامسونج

[DavyJones100]

كم امبير البطاريه؟
جرب تحط سطوع الشاشه تلقائي

[jeme1941]

4500
سويت سطوع الشاشة ماخليت شي
العيب من أجهزتهم الجديده

[DavyJones100]

مع اني ما اظن

تصدق جوالي 3600
لكن بقولك شي خلي الجوال كم يوم لما تستخدم البطاريه ترى تزين

حتى ساعتي كانت ما تقعد ثلاث ساعات
الحين يوم وعليها

[Abood_101]

كلام سليم انا بعد كمل سنتين والحمد لله مالاحظت تغير ما اشحنه الا بالشاحن الاصلي ولا استخدمة اثناء الشحن

[محمد711]

ياشيخ السامسونج بخيله في كل شيئ