الموضوع بأنقله لكم بالتفاصيل خذ لك كوب قهوة أو شاهي ☕️🫖 وركز معي ..😄
السببت ما هو تقصير من سامسونج.. السالفة فيها أنظمة وقوانين صارمة من أمريكا وأوروبا.. وهم أكبر أسواق لسامسونج.
الجهات الرسمية في أمريكا حاطين قانون اسمه 49 CFR 173.185 يمنع شحن بطاريات الليثيوم اللي تتعدى 20 واط/ساعة (Wh). وهنا لازم نفهم إنهم ما يقيسون سعة البطارية بـ mAh، يقيسونها بـ Wh، وهي تعتمد على السعة × الجهد (voltage).
يعني بطارية 5000mAh بجهد 3.88V = تقريبا 19.4Wh، وهذا على الحافة قبل لا تتعدى الحد المسموح فيه.
الشركات اللي تبيع بأمريكا مثل ابل، موتورولا، قوقل وغيرهم كلهم بنفس الطريقة، ما يتعدّون حدود الـ 20Wh.
الوحيدة اللي تجاوزت ذلك هي OnePlus، أطلقوا جوال فيه بطارية 6000mAh، لكن بتصميم "خليتين" (Dual Cell)، كل خلية أقل من 20Wh علشان ما يدخلون في مشاكل قانونية.
طيب ليش ما تسوي زيهم سامسونج؟
لأن التصميم المزدوج للبطارية يسبب مشاكل مع تقنية الشحن السريع (USB PD)، وسامسونج تعتمد عليها غير إن التنسيق مع الأنظمة حول العالم يتعقّد أكثر.
طيب الصينيين مثل أوبو، فيفو، هواوي، وهونر؟ هذولا أغلبهم ما يبيعون رسمي في أمريكا، وحتى في أوروبا يبيعون نسخ ببطاريات أصغر، عشان يطبّقون الأنظمة..
