يسعد صباح ومساء الجميع حسب توقيتك فديت قلبك 😁 💙
قبل أندرويد 10 ماكان فقط فيه الا توفير الطاقة وفكرته يقيد البرامج والخلفيه لجميع التطبيقات مع حد سرعة المعالج إلى 70 بالميه
كذلك وقف 120 هرتز وال 5g ولو كنت مفعل الشحن إلى 85 معه 😓
👆
مثل اللي ماخذ فيراري ويمشي 70 😁
ماتحس انك ظلمت الجهاز وخنقته وقيدته كله عشان توفر ساعه او ساعتين؟! 🙄💡
👆
لوفعلته بيعطيني يوم و 4 ساعات مع وقف المذكور و60 هرتز ☺️
طيب بعد أندرويد 10
أضافوا شي اسمه السكون العميق بشكل رسمي بدل ماكنا نستخدم تطبيق طرف ثالث او روت للقيام بالمهم 🥺
ونجي نشوف كم يعطي الجهاز مع السكون العميق والروتينات 👇
👆
ماتلاحظ نفس المده 😁
وجميع قوة الجهاز شغاله ماعدا ال 5g لانه سيء بمنطقتي 👇
كذلك بدون تقييد المعالج ولا وقف always on display ✌️
الفكره بينهم نفسها( توفير الطاقة)
ولكن عملهم يختلف 👇
موفر الطاقه :
يقيد المعالج إلى 70 بالميه من قوته
يقيد البرامج والعمل بالخلفيه ماتتوقف ولكن تاصلك بين فتره وفتره
يعطل ال 5g و always on display
معدل التحديث على 60 هرتز
اما السكون العميق والروتينات 👇
نظام تخصيص يعني انت اللي تخصص الجهاز على اللي يناسبك بدون لاتفقد مميزات وتوفر طاقه 😁
بضرب لكم مثال علي انا وايش اللي استخدم وبناء عليه خصصت النظام على اللي يناسب لي 👇
انا عندي اكثر من 100 تطبيق هل احتاجهم بشكل يومي مستحيل 🙄
فاللي احتاجه بالموقف هذا احدد التطبيقات اللي دايم ادخلها وبمشي بالترتيب 👇
ميمبرز
يوتيوب
نتفلكس
سناب شات
تيك توك
تليقرام
واتساب
بعد ماتحدد تطبيقاتك اللي بشكل يومي لازم تفتحها تبدأ تسوي لها فرز باللي تحتاج اشعاراتهم بشكل فوري
ميمبرز
وتساب
سناب
تليقرام
هذي التطبيقات اللي تحتاجها تعمل بالخلفيه الباقي ما احتاجها تعمل اساسا الا اذا دخلت التطبيق 😁
يعني من اكثر من 100 تطبيق فرزت 4 تطبيقات تهمني تكون شغاله وياصلني اي مستجدات اما الباقي 👇
التطبيقات اللي ماتبيها تدخل سكون عميق حطها تحت 👇😁
بكذا خلصنا من السكون العميق وقدرنا نوفر اكبر كميه من الطاقه بدون خنق المعالج او تقليل الدقه او حتى تنزيل معدل تحديث الشاشه إلى 60 هرتز 😁
أيضا يفرق معك حتى بالحراره 🙄✌️
طيب نجي للروتينات وكيف نخصصه ويتناغم مع السكون العميق ونوفر طاقه 👇
مثلا 5g تطرح على نفسك سؤال متى استخدمه بالنسبه لي 👇
اذا بغيت احمل ملف حجمه كبير
بالألعاب اللي تحتاج سرعة بالإنترنت
الباقي ال 4g مو مقصر 😁
طيب كيف اسوي روتين يخدمني باللي ابيه فوق 👆
اولا نسوي روتين 5g يدوي عشان استفيد منه اذا حملت أفعله يدوي او ضعف عندي ال 4g ابدل ع الفايف جي 👇
طيب باقي الألعاب كيف اسوي روتين للألعاب اللي ابي 👇
👆
بكذا خلصنا من الفايف جي وتشغيله على اللي يناسبنا تلقائي ويدوي 👍
مثلا الواي فاي وال nfc ماحتاجهم طول الوقت شغاله 👇
👆
بمعنى لو وصلت البيت احتاج الواي فاي ولكن nfc ماحتاجه شغال
فتلقائي ينفذ لي الأمر ولو طلعت من البيت عكس لي الأمر
يقفل الواي فاي ويفتح nfc 😁✌️
الأهم المزامنه
ماحتاجه شغال ع مدار 24 ساعه اساسا ولو كان شغال بيكون الجهاز دائما حار المزامنه شغاله الاستنزاف شغال
طيب كيف الطريقه اللي احتاجه يزامن ماشفت افضل طريقه للمزامنه الا والجهاز بالشاحن 😁
فخلاص ياجوالي العزيز اذا كنت بالشاحن فعل المزامنه وخذ راحتك ارفع اللي عاوز ياعم بدون لاترجع لي 😂 ✌️
لكن اوعك اذا فصلت الشاحن اعكس لي الأمر ووقف المزامنه 😆🙏
الأمر 👇
لو بتكلم عن الروتينات صدقوني ماراح اخلص ولكن انت شوف ايش يناسبك والوقت او المكان الخ وبدأ سو روتينات تناسب متطلباتك 👍
لاتخلي كل شي شغال فالعمليه نسبه وتناسب منها توفير بطاريه ومنها المعالج يكون جاهز بكامل قواه العقليه ماهو منشغل بعمليات كثيره بالخلفيه 😆✌️
كم يوم وصدقني راح تحس جوالك رجل الي فاهمك وانت فاهمه 🙄
برأيك ياحبيبي هالعوينات تعبت وانت تقرأ 🤩
ايهم افضل توفير الطاقة او الروتينات والسكون العميق 😁
عطني رايك ومايمنع تشاركنا بروتيناتك وايش التطبيقات اللي ماتستغني عنها 👇
الخلاصه بعد استخدامي للسكون العميق والروتينات من شريت الجهاز تحسن بعد اسبوع 👇
قفله :
انت اللي تتحكم بالجهاز لاتخلي الجهاز يتحكم فيك ✌️
فعشان كذا دائما اقول افضل الأشياء اللي ضافوها سامسونج 👇
السكون العميق
الروتينات
المجلد الأمن
تكلمت سابقا عن الروتينات والسكون قبل سنه وجاء الوقت اللي اجدده بالفروقات بينه وبين مايسمى بموفر الطاقه
هذي بعض الروتينات اللي مسويها
الموضوع هذا يفوز بصراحة ما شاء الله تبارك الله..
مرجع قوي وممتاز لجهازك..
ولو اني جربت لي اسبوع تقريبا جميع ما سبق اعلاه ولسه بطارية s22ultra احسها ضعيفه للاسف..
طبعا وضع توفير الطاقه مفعله عند الخروج من المنزل..
مرجع قوي وممتاز لجهازك..
ولو اني جربت لي اسبوع تقريبا جميع ما سبق اعلاه ولسه بطارية s22ultra احسها ضعيفه للاسف..
طبعا وضع توفير الطاقه مفعله عند الخروج من المنزل..
