قبل ما تعمل ايميل عشوائي لجهازك الجديد.. خليك عارف ان الاجهزه الجديده مبتعرفش تعملها ضبط مصنع غير بالايميل ورقمه السري . يعني لو مش فاكر الباسورد . يبقا حاجه من اتنين . يا يفضل جهازك ع وضعه بدون اعادة ضبط .. او سوفت وير ب ٢٠٠ ج تقريبا
. ولو حافظ صور او اي شئ اخر من خلال الايميل ده . مش هتعرف توصلها من اي جهاز جديد الا لما تدخل الايميل بتاعك عليه.
طب والحل ايه؟
اعمل لنفسك ايميل لجوجل برقم هاتفك وكذلك ايميل سامسونج.
عشان لو نسيت الباسورد بتاعتك تقدر ترجعها تاني بكل سهوله. والايميلات دي تكون اساسيه معاك لكل اجهزتك. متغيرهاش نهائي غير فقط الباسورد من وقت للتاني. ومتقلقش من نسينها طالما الايميل برقم موبايلك.
ومن الافضل انك تحتفظ بأرقامك السريه ف كراسه لسهولة الحصول عليها ف حالة النسيان. او فقدان الهاتف
انا شخصيا معايا ايميل لجوجل وسامسونج من سبع سنين تقريبا مبغيرهمش. وبغير جهاز كل سنه. والجهاز ال اشتريه افتحه بنفس الايميلات
وكمان بقدر اعمل اعادة ضبط مصنع كنظافه للجهاز براحتي وبفضل الله مش بفقد اي شئ . لا صور . ولا اسماء . ولا رسائل . لاني محتفظ بنسخه احتياطيه ع السحابه من خلال ايميل سامسونج. ومتنساش تفعل المزامنه.
كلامك صح جدا ، ناس كتير قوي فعلا بتعمل أيميلات عشوائية وتنسى الباسورد بتاعها أو تنسى الأيميل أساسا ، موضوع المزامنة ده أنا بعمله قبل ما أعمل ضبط مصنع بس أو كل فتره ، لكن تفعيل المزامنة طول الوقت بيستهلك بطارية جامد بطريقة ملحوظة جدا
