مش طبيعي إنك تشحن الموبايل أكتر من مرة في اليوم لو استخدامك عادي. ناس كتير لاحظت إن البطارية بتقل بعد التحديثات، وده غالبًا بسبب تحسينات في الأداء بتستهلك طاقة أكتر.
💡 الحلول:
1.←متخليش البطارية تفضى لحد 0%، دايمًا اشحنها لما توصل لـ 20% إلي 80%عشان تعيش أطول.
←متشحنش الموبايل طول الليل، لأن ده بيضعف البطارية مع
الوقت حتى لو الموبايل بيوقف الشحن تلقائيًا.
←تجنب الحرارة العالية، الشحن في مكان حرارته عالية أو تحت الشمس بيضر البطارية جدًا.
←استخدم وضع "توفير الطاقة التكيفي"، ده بيخلي استهلاك البطارية يتظبط حسب استخدامك.
2.←راجع التطبيقات اللي بتسحب البطارية في الخلفية، خصوصًا التطبيقات اللي بتوصل للنت طول الوقت زي فيسبوك وإنستجرام.
3.←أي شاحن تستخدم؟ وأي واحد تبعد عنه؟
←أفضل شاحن تستخدمه هو الشاحن الأصلي للموبايل، ولو تالف، اشترِ شاحن Samsung الأصلي بنفس قدرة واط الشاحن القديم.
←لو بتدور على بديل، استخدم شواحن معتمدة زي Anker أو Baseus لكن تأكد إنها PD (Power Delivery) ومتوافقة مع موبايلك.
❌ إياك تستخدم شواحن تجارية رخيصة، لأنها بتقلل عمر البطارية وبتسبب ارتفاع حرارة الجهاز
❌ متستخدمش كابلات شحن رديئة، لأن الكابل الرديء ممكن يبطّىء الشحن أو يسبب مشاكل للبطارية.
4.←فعل الوضع الداكن (Dark Mode) يوفر طاقة جامدة مع شاشات AMOLED
مساء الخير يا فندم مع حضرتك اية من سامسونج مصر بنشكرك جدا على طرح سؤالك وبنتمنى لحضرتك يوم سعيد برجاء توضيح استفسارك بشكل أكبر للتمكن من كامل الدعم و المساعددة ولو عند حضرتك أى استفسار أخر موجودين تحت أمر حضرتك وفى خدمتك فى أى وقت شكرا لحضرتك ولوقتك
