Original topic:

اكسب من خطواتك،،،،! 😑🌹

(Topic created on: 10-16-2022 10:10 PM)
70 Views
〆almutairi〆
Expert Level 5
Options
إرشادات المجتمع
يسعد صباح ومساء الجميع حسب توقيتك فديت قلبك وروحك😑👇

كثير منا او اذا ماكان الكل أثناء تصفحك للتيك توك او غيره من برامج حتما مر عليك مقطع امشي واكسب او ع الاقل إثبات الدفع وكثير يستغرب هل فيه مصداقيه او لا!!!

صار فيها نقاش مع زملائي في احد جمعاتنا الخاصه وتحول النقاش لاكسب وانت تمشي فما كان عندي معلومه او خلفيه عنه كافيه لانه مجرد اعلانات تجيني واتخطاه فقررت ابحث واتأكد من التطبيق وحبيت انقل لكم التجربه👇


اولا البرنامج يعتبر بلوكتشين وطالما انه كذلك فمعناته طار او وقع لازم يكون له علاقه بالعملات الرقميه😁

طبعا في المقاطع اللي تتروج لك سوا شخص فعليا سحب او اعلان طالع لك مافيه اي معلومات كافيه عن آلية السحب نهائيا😶

فحبيت اني انقل لكم كيف طريقتهم في عمليات السحب خطوه بخطوه👇

اولا التطبيق 


بعد التسجيل وفتح الواجهه الرئيسيه راح تلقى بهذا المكان يقولك حمل تطبيق بيكون خاص للمحفظه رقميه👇


image

تعال اسمع ياتسبدي😁👇

بعد ماتحمله افتحه وسجل عادي بيفتح معك ع الواجهه للمحفظه 
اطلع منه واطلع من التطبيق الثاني😶


حاليا كل اللي عليك تسويه عملية الربط التلقائي👇

افتح تطبيق المشي بتلقى مكان اللي حملنا منه البرنامج اصفار مثل الصوره فوق كذا حلوين اضغط على open your Wallet

بيوجهك ع تطبيق المحفظه وبكذا تم الربط بينهم بنجاح👍

يعني سلمك الله يومك كله راح يتم حسب خطواتك وتقريبا مابين الساعه 11 ليلا إلى 1 ليلا بيتم استبدالها بالعملات ونقلها إلى محفضتك بدون تدخل منك👇


image

طريقة حساب العملات المكتسبه👇
كل 1346 خطوه عليه 1 عمله وعليك الحساب 

نجي نشوف هل هي فعليا مجديه او لا😁😑

منطقيا حنا نمشي بشكل يومي ممكن نقطع مسافات عاليه وممكن تحول خطواتك هذي وتعبك إلى تصنيع عملات 

اما واقعيا هل هي مجديه؟!😶😁

طيب نجي نحسب ونشوف👇

سعر العمليه حاليا 0.017 يعني 1 سنت وعليها وقبل يومين 2 سنت فهي في منصه يعني طبيعي ترتفع وتنزل 

اعلى قمه وصلت 10 سنت وممكن تاصل إلى 30 سنت خلال السنه الحاليه او مطلع السنه القادمه والهدف طبعا مو هنا😁

اللي بيجرب او بيطبق حاول تجمع إلى 10 آلاف او 50 الف حبه 
كذا حلوين طيب ركز معي🙃

فيه خيار في المحفظة اسمه ستيكنق بمعنى تخزين وايش فكرته
هذا سلمك الله القائمين ع العمله يقولك امسك العمله عندك ونعطيك عليها فوايد يوميا الفكره استقرار وثبات للعمله 

عموما التخزين يكون ع 3 خيارات مدة سنه وا 6 شهور او 3 شهور ولو اخترت احد الخيارات خذ بالحسبان راح تكون مجمده ولاتقدر تبيع الا بانتهاء الفتره👍


image



الفكره اللي بوصلها لو تجمع 10 آلاف او 50 الف وجمدته لسنه انسى الخمسين الف اعتبره جهاز ينتج لك إذا خلصت السنه احجزها مره ثانيه وهكذا😁

طيب ايش الفايده بقولك صبرك علي ياحلو😇

اولا راح تجيك فوايد بالشهر وهذا يتم نقله إلى المنصه استعداد للبيع او تعليق امر بيع مثلا على 30 سنت بمعنى اول ماياصل 30 سنت راح يبيع لك تلقائي حتى لو انت نايم😁


نجي لكيف طريقة حسب الفوايد👇

تخزين 12 شهر هذا يعني فيه ربح 12 بالميه 
طيب ماحب السرد العادي الا بمثال تاصل فيه الفكره😁

لنفرض خزنت 50 الف عمله فوايد السنه 6 آلاف عمله 
بالشهر 500 عمله 
باليوم 16.66 حبه😁

طيب ياحلو لنفترض بعد سنه من التخزين راح يفك معك التخزين وبيكون مع 56 الف عمله قلنا 6 آلاف عمله فوايد و50 الف الأساس 

فايش نسوي نرجع نخزن ال 50 الف سنه ثانيه 
6 آلاف ننقله إلى المنصه استعداد للبيع 

طيب نقول هدفك مثلا ع 5 سنت اقل هدف بيكون بيع ال 6 آلاف عمله تساوي 1125 ريال 

طيب على 10 سنت بيكون 2250 ريال 
على 30 سنت بيكون 6750 ريال 

هذا بيكون اول دفعه قد تستفيد منها 

بعدها شهريا ممكن تصرف بشرط سعر العمله فوق 30 سنت 
قلنا بالشهر تطلع 600 حبه بيكون شهريا تقريبا 600 ريال هذا من غير المشي اللي راح تطلعه يوميا 

خذ في بالك كل مازاد سعر العمله كل مازاد ربحك 
كل مازاد الكميه المخزنه كل مازاد الإنتاج وزاد ربحك 



طبعا فيه طرق كثير ممكن تزيد الإنتاج باليوم إلى 50 الف خطوه بالراحه بدون جهد ولكن تطلب إلى👇

مروحة شفط وأجهزة بنظام أندرويد وارخص جهاز ممكن يفيد سعره ب 200 ريال وتحتاج 5 أجهزة على عدد ريش مروحة الشفط 

الفكره الجهاز يحسب الخطوات اساسا لذلك حتى لو شغلته في مروحة الشفط يبدأ يحسب بسرعه عاليه كانك تركض😂😂

اولا مرووحة الشفط ماراح تصرف كهرب نهائي والفكره مش بطاله😂

طبعا هذي كلها افكار جتني بعد بحثي وتجربتي بالتطبيق بناء على طلب احد زملائي عن مصداقية التطبيق👍

قفله :
طالما التطبيق فيه صلة بالعملات والمحافظ هذا معناته بإمكانك نقلها للمنصات والبيع طبيعي👇

وهنا موجوده في احد المنصات المركزيه👇


image

هو مشكلتها في كمية الإنتاج والعرض مره عاليه وهذا يسبب على سعر العمله بشكل مباشر يعني ممكن آخر حد لها 30 سنت😁

ولكن مع اللي شفناه بالعملات مافي شي مستحيل ممكن تاصل للدولار بعد هذا كله في علم الغيب 


image

لاحظ الأزرق هذي جميع العملات الموجوده العمله 21 مليار
اللون الأحمر هذا المعروض ع جميع المنصات 2 مليار حبه بمعند يتم تداولها👍


لست مع او ضد العملات ولست مشجع العملات اساسا 😁
مجرد طرح الفكره بوضوح لكثرة ظهورها في الإعلانات والمستخدمين في التيك توك وحبيت أعرض لكم الطريقه بصوره كامله مع الأفكار اللي ممكن تستخدمها بذكاء وأكثر احترافيه 


فكرة اني اجرب التطبيق بناء على رغبة احد الزملاء وعطيتها الوقت الكافي لمدة شهرين لمعرفة جميع أموره 

انتهت فترة التجربه وحبيت انقلها لكم قد يستفيد احدكم 

تنويه نسيت اذكره بعاليه :
الحد اليومي 5 آلاف خطوه او 10 آلاف خطوه عشان تفتح الخطوات غير محدود يعطونك 7 ايام اشتراك مجاني ثم 20 ريال شهريا 

المطيري،،،! 
24 Comments
إرشادات المجتمع
الزبده فيها فلوس صدق واقدر اشتري او استفيد يعني وش الفايدة
إرشادات المجتمع
نعم فيها
إرشادات المجتمع
كفيت ووفيت في الشرح يالغالي.
وجزاك الله كل خير الجزاء
.
إرشادات المجتمع
العفو 🌹
0 Likes
fahad9900
Active Level 8
إرشادات المجتمع
جزاك الله الف خير قسم بالله مواضيعك تفتح النفس و شرحك جمييييل جدا
إرشادات المجتمع
وياك يارب
ربي يسعدك وشهادة افتخر فيها ان شرحي راق لك 😁 🌹
0 Likes
Alatowi
Active Level 6
إرشادات المجتمع
لو كان عربي افضل
إرشادات المجتمع
مايضر اللغه طالما المقصود مشروح 😁👍
Alatowi
Active Level 6
إرشادات المجتمع
ما نستغنى عنك 🤓