استفسار بسيط او مناقشه يعني

[YoussefTarekBatot]

هو تقريبا جالاكسي ستور حاليا بيدعم المكورين كلهم مفيش حاجه نقصاه ليه شركه سامسونج متستغنيش عن بلاي ستور او ممن مينفعش عشان هو بنظام الاندرويد 

هل من الممكن يدمجو التطبيقين ببعض او سلغو جلاكسي ستور ؟

لان ليه فيه متجرين علي هاتف 

قولولي اقتراحاتكم 😁✋

[Mohamed927]

انا من رأي ان مينفعش تستغتي عن جوجل بلاي علي شان ده تبع خدنات جوجل اما جلاكسي ستور خلينا نقول مثلا انه بديل او استور احطياتي و في نفس الوقت سامسونج بتستعمله عاي شان ترفع الرامج الخاصه في اجهزة سامسونج فقط

[YoussefTarekBatot]

كانت ممكن تستخدم بلاي ستور لتطبيقتها زي بعض منها موجود عليه فعليا !

[Mohamed927]

لا مش كل حاجه
في برامج من سامسونج عاي سبيل المثال
خاصيت edge panal و lighting
الخاصيتين دول مش بيتحدثو إلي من جلاكسي ستور و خواص غيرهم

[Ahmed8000]

مينفعش فيه برامج كتير موجودة على جوجل بلاي ومش موجوده على سامسونج ستور والعكس صحيح واغلبية البرامج موجوده اساسا على جوجل بلاي

[YoussefTarekBatot]

حاليا المطوريين اغلبهم علي جلاكسي استور كى فتره بلاقي حاجه مكنتش موجوده ظهرت بس ليه مثلا ميستغنوش عن واحد منهم .؟

[Ahmed8000]

لو انت سامسونج وفرضا مسحت جوجل بلاي من على التليفون، فيه برامج كتير موجودة على جوجل بلاي ومش هنعرف تنزلها لو جوجل بلاي مش موجود على التليفون ده غير انه أساسي على معظم أجهزة أندرويد

[KINGMOUNIR]

حابب بس أوضح فكرة ان فى متجرين موجودين على الهاتف دا يرجع ان كل شركة لها كيان مستقل وان تطبيقات النظام يتم تحديثها على جلاكسى ستور ودى خاصة بسامسونج فقط غير المتصفح ومشغل الموسيقى الذى حل محل ميوزك بلاى انما سوق بلاى خاص بشركة جوجل يعنى فى يوم من الأيام لو فكرتك جوجل تلغى خدماتها من سامسونج زى ما عملت مع هواوي الصينية يبقى عندها برامجها التشغيلية الخاصة بها ولا يتوقف نظام التحديث

[YoussefTarekBatot]

دا الي انا عاوز اوصله ليه سامسونج متستقلش ؟؟

[KINGMOUNIR]

بعض البرامج والتطبيقات مش كاملة عندها زى مثلا تطبيق محرك البحث الشهير يوتيوب والتخزين السحابى او زى ما تقدر تقول كدا فى سياسات ومصالح بين الشركات دى زى أبل وسامسونج فى تصنيع شاشات الايفون
ما أبل بحجم ضخامتها ممكن تقدر انها تستقل ومتحتاجش لسامسونج بس مازالت لحد الان فى ترابط فى الشغل بينهم بغض النظر عن اختلافهم فى حجم كل شركة