اجتماعي

[bohha]

#الچنة مو خدامة !! #بعض العوائل العراقيه يعاملون الچنة على انها خدامة بس بدون اجر حتى الشغالة البنغلاديشية عدها حقوق و ضمانات اكثر منها ! تجي العروس تدلل كم يوم وراها يبدي الكراب و ياريت لو بصوره عادلة البيت كله عليها بطريقة استغلالية بشعة بحيث تصعد لغرفتها بالليل هلكانة كانه مشتغلة عمالة ! و عادي احتمال العمة يكون عمرها ب الاربعينات بعدها صغيرة و بيها حيل بس من تجي جنتها تكعد و تحط رجل على رجل و تريدها بس تخدمها وعادي يكون اكو بنات بالبيت غيرها بس هي جنة لازم تخدم الكل و حتى لو عدها طفل ! هيج تصرفات قبيحة عيب تصير وية زوجة ابنكم و ام اطفالكم .. كلش عيب هي ملزمة بزوجها و اطفالها و غرفتها و اذا حبت تساعد ف تشارك براحتها مو ملزمة بيكم و بهوستكم و حتى اذا صار عليها شغل ف لازم يكون بدون ضغط و اجبار باعتبارج عمة احب اكلج تره هاي انسانة حرة انتي ممشترية عبدة !!! يعني قبل ما تجي لبيتكم مجنتوا تنظفون ولا تشتغلون ؟ حتى كل شي يصير براسها ! #ملاحظة: ما اقصد الكل .. المشاركة بالشغل والمساعدة حلوه لان هذا هم بيتها مثل ما جانت ببيت اهلها #اقصد الي يستغلون المراة و يدمروها و يعتبرون هذا واجبها غصبا ما عليها ! H.S

[memy]

🍑🍅😋

[bohha]

😊🌷