Daylight saving time for Samsung smart watches

[Eslamatef]

دلوقتي انا معايا جلاكسي وتش ٤ كلاسيك وللاسف الساعه مافيهاش التوقيت الصيفي لمصر مافيهاش غير Cairo gmt+2 وبالتالي الساعه مش قادره تفهم ان في حاجه دلوقتي اسمها Cairo gmt +3 ودا بيخلي الساعه متاخره ساعه ومهما حاولت او ظبطها اول ما الساعه بتبعد عن التليفون بتاخر ساعه علي طول وبترجع للتوقيت الشتوي الي هوا gmt +2 في حل انك تغير ال time zone manual في التليفون نفسه وتخليه اي دوله gmt +3 ذى السعوديه او تركيا بس دا حل مؤقت وهايخلي عندك مشكله ديما في مطابقة الساعه مع اي دوله بتروحها فياريت بجد سامسونج تتواصل مع شركة جوجل لانها الشركه المعنيه بانظمة الاندرويد وتطلب منهم تحديث في اسرع وقت للساعات الذكيه ينزل فيه التوقيت الصيفي لمصر والي هوا Cairo gmt+3

[AMRMAHDY]

الموبايل اصلا مش عاارف اغير الساعه فيه

[Mahmoud1994]

نفس المشكله والموضوع مستفز جدا ومش لاقى حل

[ahmzd]

نفس المشكلة وعملت كل حاجة مش فائدة

الحل الوحيد سامسونج تعمل تحديث ضروري

والله أعلى وأعلم

[ayat1985]

نفس المشكلة ساعة جلاكسي وتش ٣ ومش لاقية اى حلول .. لازم سامسونج تحل المشكلة ديه بسرعة

[samsungmena]

Eslamatef

مساء الخير يا فندم مع حضرتك داليا من سامسونج مصر 
بنشكرك جدا علي طرح سؤالك ونتمنى لحضرتك يوم سعيد 
فى البدايه بعتذر لحضرتك جدا عن المشكله اللى بتواجه 
بناء على سؤالك 

برجاء عمل ريستارت للساعة والانتظار 30 دقيقة و المشكلة هتتحل مع حضرتك

 ولو عند حضرتك أى استفسار أخر 
موجودين تحت أمر حضرتك وفى خدمتك فى أى وقت 
شكرا لحضرتك ولوقتك 

[ayat1985]

عملت ريستارت و انتظرت اكثر من نصف ساعة ولم تتغير الساعة وكررت المحاولة و مفيش فايدة

[Mekho1610]

غير المنظقة الزمنية ل +3
و ده تقدر تعمله بعد ما تلغي الضبط التلقائي للمنطقة الزمنية

[Amira-elnagar]

ayat1985

مساء الخير يا فندم مع اميرة من سامسونج مصر
بنشكرك جدا على طرح سؤالك وبنتمنى لحضرتك يوم سعيد
بناءا على سؤالك

لتعديل التوقيت الصيفي هنتبع الخطوات التاليه يا فندم: 
 يجب التأكد ان الجهاز متحدث علي اخر نسخه سوفت وير متاحه. 
 اولا: التأكد من تحديث نظام Google play عن طريق الخطوات التاليه:
1. اختار الضبط 
2. اختار حول الهاتف
3. اختار معلومات البرنامج 
4. اختار تحديث نظام Google play 
5. قم بتنزيل التحديث ان وجد 
 ولتعديل الوقت من التلقائي لليدوي تتبع الخطوات التالية:
1. اختار الضبط 
2. اختار الإدارة العامة
3. اختار التاريخ والوقت
4. قم بالغاء تفعيل التاريخ والوقت التلقائي
5. قم بضبط الوقت الذي تريده يدويا.
و اللينك ده هيوضح لحضرتك الخطوات
https://www.samsung.com/eg/support/newsalert/ 
في حالة مواجهة حضرتك مشكلة في توقيت الساعة في سمارت واتش
نستاذنك بالتاكد من خلال بعض الخطوات
لتعديل التوقيت الصيفي هنتبع الخطوات التاليه يا فندم:
الاعدادات – الادارة العامة – التاريخ و الوقت - اختر المجال الزمني - GMT+3:00
عمل ريسيت للساعه
نقوم بعمل disconnect ثم connect
وفي حالة استمرار المشكلة برجاء انتظار اصدار تحديث لحل المشكلة في اسرع وقت

 ولو عند حضرتك أى استفسار أخر
موجودين تحت أمر حضرتك وفى خدمتك فى أى وقت
شكرا لحضرتك ولوقتك