نوت ٩ جديد

[docsherbeny]

جايلي موبايل نوت ٩ من الامارت فتحت العلبة واضح ان الموبايل مش جديد فيه خدش فيه ومفيش كڤر في العلبة ومفيش سنون 

للقلم ( جايبه من نون الامارات

المشكلة ان الموبايل مش راضي ينزله ابديت 

حد يقدر يساعدني 

[Nawet]

جبت موبايل من الامارات وبقالي سنه في مصر جالي كل التحديثات وشغال زي الفل بس على ما اعتقد دا مش توكيل سامسونج في الامارات علشان دا فيرجن لبلد تانيه غير الخليج عموما ادخل على يوتيوب واكتب موديل نمبر وشوف تبع اي بلد وحاول تجيب تحديث من على النت ولو ينفع ترجعو يكون احسن وافضل

[docsherbeny]

للاسف مقدرش ارجعه وانا جبت نوت ٩ قبل كدا م الكويت وكل التحديثات بتنزله

[Nawet]

لو لسه جايبو اديه لاي حد راجع الامارات واديلو البيانات ويرجعو هناك او يتصل بحماية المستهلك هينفخوهم هناك واكيد عندك اصحاب او معارف يساعدوك هناك ودا الافضل ليك

[elhawary]

هتضطر تعمل له فورمات والشريحه المصريه فيه وبعد ما يشتغل تختار التفعيل عن طريق الشريحه المصرية
اما عن سبب ان بعض الحاجات ناقصه من علبة الجهاز او انه فيه خدش دا بسبب ان الجهاز اعادة تصنيع يعني كان فيه عيب صناعه وحد كان اشتراه ورجعه للوكيل وهما بدلوه له وصلحوا المشكله اللي فيه وعرضوه للبيع تاني بثلثي السعر ودا شئ معروف في كل الشركات بس للاسف التجار بيشتروه ويبيعوه للمستهلك على انه جديد لسه طالع من مصانع الشركه

[docsherbeny]

يعني ايه التفعيل عن طريق الشريحة المصرية

[elhawary]

يعني هتحط في التليفون الخط المصري اللي معاك وتقفل التليفون وتضغط باستمرار على زر الباور وبكسبي ورفع الصوت وتخليك ضاغط عليهم لحد ما يجيب وضع الريكفري هتضغط على حفض الصوت لحد ما تجيب wipe data ..... وبعد كده اضغط على زر الباور لحد ما يجيب robot system now اضغط ع الباور وانتظر لحد ما يفتح التليفون واول ما يفتح هيجيك خيار شوية كلام بالانجليزي وخيارين او ثلاثه على حسب هتختار اللي قصاده اسم شركة الاتصال اللي تبع الخط المصري اللي راكب وليكن فودافون هتلاقي التليفون قفل وفتح تاني هتمشي مع خطوات التشغيل لحد ما يشتغل معاك تخش على الضبط ثم تحديث البرنامج وتختار تحديث هتلاقيه بينزل
اهم شئ تكون ناسخ ملفاتك اللي على التليفون على ذاكره خارجيه وحافظ ايميلاتك وارقامك السريه قبل ما تعمل حاجه
بالتوفيق

[الفاشل٣]

موبايلك النسخة الأمريكي بمعالج سناب دراجون ٨٤٥ ...نزل التحديث ده علي الكمبيوتر وببرنامج اودين سطبه علي الموبايل والف مبروك
https://samfrew.com/pricing/

[Amira-elnagar]

مساء الخير يا فندم مع حضرتك اميره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك من الموضح أن حضرتك بتواجه مشكله فى نزول التحديث الخاص بجهاز حضرتك 

أستأذن حضرتك فى التوجه لأقرب مركز صيانه 

للتمكن من فحص الجهاز ومعرفه اتاحه نزول التحديث له من خلال الفرع أم لا 

للتعرف على أقرب مركز صيانه خاص لحضرتك من خلال الرابط التالى : 

https://www.samsung.com/eg/support/service-center/

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك