🛑بعد اول يوم استخدام مع اضاءة شاشة مستمر و تنبيهات اتصال و تطبيقات، البطارية ضعيفة و تحتاج شحن يومي 🛑
السلام عليكم ورحمة الله وبركاته
وصلتني اليوم ساعة سامسونج جلاكسي واتش ٤ كلاسيك ، اشتريتها من موقع سامسونج السعودية و وصلت اسرع من المتوقع ..
ما عندي تعليقات كثيرة على الساعة بس شغلت بعض المواصفات الجديدة مثل :
فحص مستوى الاكسيجين بالدم ، و الاهم مستوى الدهون بالجسم و الامور لا تبشر طلع وزني زايد
شغلت نظام خرايط جوجل مابس و جميل و مفيد عند الخروج على الدراجة ما يحتاج تناظر للتلفون كل شوي .
ما حصلت نظام باي لسه و الاكيد انه يحتاج رخص من الجهات المعنية ، لكن ما لقيت تطبيق له من اساسه ..
اللي بيطلبها من الموقع يعطوك خيار هدية بقيمة ١٨٩ ، طلبت سوار للساعة طلع نفسه اللي جاي عليها اصلا ، انتبهوا من الفخ اسمه Ridge sport band , توقعت انها كلاسيك يجي سوارها جلدي قلت اوك بطلب سوار رياضي معها و طلع نفسه ، مو جديد على سامسونج السعودية يعطونك هدية ما تستفيد منها هذي عوايدهم (اذكركم ليوم مماتي بعرض فولد ٢ مع لورنغدايل)
الملاحظة، اذا ناوي تشتري جوال فولد ٣ او فليب ٣ و الساعة الجديدة، خذ عرض خصم ٧٥٠ ريال عبر الموقع الرسمي ، تخصمه من الساعة و تشتري لك كفر على كيفك افضل من الكفر مع قلم اللي معروض بغير مواقع .. السبب ان الكفر اكثر المراجعون له حصلوا انه فاشل ، دوروا عليه باليوتيوب تشوفه ايش مشكلة استخدام كفر القلم مع مسكة اليد لمن تفتح الفولد جهة تصير اطول من جهة،، مزعج جدا..
رابط فيديو لأحد المراجعين :
