ظهور ظل بسيط عند تحريك شيء باللون الاسود وورائه خلفية رمادية او العكس المشكلة دي بتظهر لما بقلل سطوع الشاشة اقل من ٤٠% وبلاحظها كتير في الفيديو او الافلام بعد
اللي عرفته انها مشكلة عامة في معظم شاشات ال OLED بسبب ان البيكسلات في اللون الاسود بتبقى مطفيه تماما ف بتاخد وقت نوعا ما على لما تشتغل تاني بأي لون ودة بيبقى ملحوظ للعين خاصة لو لون غامق زي الرمادي، لاكن المعالج ليه دور كبير في تقليل المشكلة دي، يعني اصحاب معالجات ال snapdragon غالبا المشكلة دي بتبقى مش ملحوظة او مش موجودة لأن المعالج بينظم كمية الطاقة اللي بتوصل للبكسلات وبيخليها تشتغل بسرعة اكبر من ال exynos
حاسس انها مش شرط انا معايا sd 730 وفيه نفس مشكله وخاصتا في افلام او العاب وانا بصراحه مش عارف ليه بيقولو شاشه oled افضل من شاشات تانيه انا كان معايا سوني بس تحفه في شاشه وحاسس التوكيل مش هيعمل اي حاجه او هيقول دي مشكله
في snapdragon 855 المشكلة دي عشان تلاحظها لازم تكون في مكان مظلم تماما ومقلل ال brightness عن ٢٠%، غير كدة مش هتلاحظها هي دي فعلا من اقوى عيوب شاشات ال oled عشان كدة كل ال التطبيقات دلوقتي بقيت تخلى ال dark mood باللون الرمادي الفاتح مش الاسود، عشان تتجنب المشكلة دي والتوكيل فعلا مش هيعملك حاجة لو قلتله على المشكلة دي، دة لو افترضنا اصلا ان الموظفين اللي هناك هيفهموك انت بتتكلم عن ايه
