Original topic:

مشاكل لازم تعرفها قبل تحديث One UI 3

(Topic created on: 02-09-2021 04:23 PM)
837 Views
iPro
Active Level 8
Options
جالاكسى S
السلبيات: -

١-الشاشة هتبقى كأنها بقيت
 ٣٠Hz او ٤٠Hz،
 بمعني انك هتلاقي الحركة بقيت ابطء من الأول وهتحس ان في frames
 بتقع وانت بتعمل 
(scroll، swipe) 
في اي حاجة على الشاشة.

٢- lags & glitch
في كل حاجة بتتحرك على الشاشة (حتى بعد ضبط المصنع).


٣-لو كنت بتستخدم الإيماءات في ال
 Navigation bar
 مش هتستخدمها تاني بعد التحديث لأنها بقيت سيئة جدا في الاستجابة ولا يمكن تعتمد عليها وهترجع تستخدم الزراير (home, back, recent). 


٤-ادآء البطارية من سيئ الى أسوء

٥-سامسونج كيبورد بقيت اسوء في الإستجابة وفي زراير بتداس بالغلط اثناء الكتابة مع العلم ان مذكور في التحديث أن تم تحسينها بشكل كبير !

٦-عشان تدخل على ال 
Recovery mode
لازم تكون موصل الموبايل بالكمبيوتر عن طريق الكابل فقط غير كدة الثلاث زراير غبر مجدية (ممكن تكون ميزة لبعض الناس).

٦-بصمة الشاشة شكل البصمة فقط هو اللي اتغير لاكن الاداء لم يتم تحسين اي شئ فيه عكس اللي مكتوب

٧-استهلاك أعلى للرام (ولاكن دة طبيعي مع اي تحديث).

٨- جودة الكاميرا بقيت أسوء (ولاكن بشكل غير ملحوظ).

الإيجابيات: -

٩- اشكال ال
Notification bar , lists , secure folder , phone , lockscreen , recent menu , homescreen folders
وبعض التطبيقات اتغيروا !

١٠- تم اضافة خيار
Enhanced processing notification bar
لإستخدام انوية البروسيسور المخصصة للألعاب ولاكن في أي تطبيق.

١١- battery usage
أخيرا تقدر تعرف استخدام البطارية منذ آخر شحنه للموبايل، مش من ٧ ايام زي ما كان في الأول (خيار ال٧ ايام مازال موجود).

١٢- double tap to turn off screen

باقي الإيجابيات لا تستحق الذكر لأنها لا تعتبر إيجابيات !

22 Comments
yousefhamdy
Active Level 7
جالاكسى S
انا معايا A50
و الموبيل عظمه جدا حتي جوده التصنيع حلو اوي و احسن من شاومي بكتير ال واحد صاحبي جاب شاومي زارالباور وقع 🤣🤣
ااه بلاستك بس بيستخمل اوي عن الزجاج و الاداء بتاعه حلو برخم اني بفشخ الموبيل
ahmedadelmo54
Active Level 5
جالاكسى S
ونا بردو معايا كويس
0 Likes
جالاكسى S
ممكن طريقه عمل recovery
0 Likes