١الشاشة ماشاء الله الله اكبر الاموليد ممتازة اضاءة وحساسية كبيرة في اللمس واستجابة سريعة الحمد لله وهي فعلا سامسونج هي اول واسحن واحدة تصنع الشاشات بكل انواعها
٢الكاميرا وهي جميلة جدا ماشاء الله والاوبشن الكتيرة بتاعتها وحلوة وممتازة وتعدد بدائل ممتازة
٣الاوبشنز بتاعة الواجهة One ui بكل انواعها وجميلة جدا وتحس انك مستمتع ا وانت ماسك التليفون ودي ممكن من ثاني اكثر المميزات في هواتف سامسونج بعد الشاشة وبعد كدا الكاميرا
العيوب
١ خامات التصنيع زبالة جدا حتي البلاستيك بيتخربش من المناديل حتي من مناديل ورق تخيلوا حاجة زي كدا بلاستيك خامته رديئة جدا لدرجة حتي اني بركب الكافر وبيتجرح يعني لازم تركب اسكين او اسكرينة عالاقل عشان تضمن سلامة الهاتف
٢وهو السوفت وير والواجهة وزي ما قلنا ان الواجهة جميلة جدا بشكلها واوبشناتها ولكن كل حاجة ليها مميزات وعيوب والواجهة هنا بتهنج كتير ورخمة جدا جدا وتقيلة وساعات تلاقي تهنيج وحش لدرجة اني عملت ضبط مصنع ٥ مرات في السنة ونص دي
تخيلوا دا رقم قياسي في الفون الي قبله من سامسونج عملت ضبط مصنع مرة واحدة بس في السنة
٣وهو المعالح وتقريبا هو المسؤل عن الليلة دي كلها طول ما سامسونج بتحب معالجها اوي كدا وبتستخدمه كتير وهو الاكسينوس فمفيش مشكلة لو طورته وخلت ادائه احسن اه مشلكة السخونة بتاعة المعالج اتحلت في جهاز الS21 بس هل دا هيكون في كل الفئات الاداء هيتحسن وكدا..؟ الله اعلم
واخيرا انا بعد كل الرغي دا بس حبيت اتكلم بصراحة مش معني اني قلت عيوب كدا اني بكره سامسونج لا انا بحب شركة سامسونج جدا وموبايلاتها بس اتمني تحسن خدمتها شوية لان الموضوع دا لو استمر كدا معتقدش ان الهاتف الجديد ليه هيكون سامسونج اتمني لو حد ذو مركز في الشركة شاف الرسالة دي يلبي ندائي وممكن دا مش رايي لواحدي دا راي الكتير اتمني كل دا يتصلح وشكرا لو كملتوا قراية للاخر❤❤
