A71

[mohamedapotalp]

الهاتف مكنش بيسخن الايام دي بيسخن هل ممكن يكون من درجة حرارة الجو ياريت حد يفيدني

[ahmedsamir_11]

ممكن يكون من الاستعمال الزايد ف الحر انا تليفونى بيسخن جدا وهو بشحن لدرجة انى ساعات بدخلو الفريزر يهدى شوية بعدين ارجعوا يشحن !

[mohamedapotalp]

تمام

[mohamedapotalp]

يعني الكلام دا صح

[Omararef]

هو فعلا بسبب الجو بس خلي بالك لو بتلعب العاب تقيلة زي بابجي وكده بتسخن الفون برضو ولو بيسخن جامد في الاستخدام الطبيعي اعمل استعاده ضبط مصنع لانه في تطبيقات بتعمل كده وعن تجربة ومسحتها وفضل الجهاز بيسخن جدا

[Caesar_2020]

بسبب الجو تلحر بس اقفل تطبيقات الخلفية واعمل سكون للتطبيقات وحاول متلعبش العاب تقيلة كتير

[Samah-Ahmed]

مساء الخير يا فندم

مع حضرتك سماح من سامسونج مصر

بنشكرك جدا علي طرح سؤالك

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود سخونه عاليه فى موبايل حضرتك 

أستأذنك فى عمل الخطوات دى علشان نقدر نحل المشكله الموجوده 

1-قم بالتاكد هل السخونه تظهر عند شحن الجهاز فقط ام عند الاستخدام بشكل عام

2-عند استخدام الجهاز لفتره طويله سوف تحس بسخونه منه يمكن تحملها

3-متاح للجهاز ام لا Software قم بالتاكد هل هناك اى تحديث

4-قم بعمل اعاده ضبط مصنع  للجهاز عن طريق الخطوات الاتيه

1- الضبط 

2-الاداره العامه 

3- اعاده الضبط 

4-اعاده تعييين بيانات المصنع 

5 -اعاده الضبط 

6-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

5-فى حالة ارتفاع درجه حراره الجهاز بصوره غير طبيعيه و عدم القدره على لمس الجهاز عند ارتفاع درجه الحراره يجب التوجه لمركز الصيانه

ولمعرفه أقرب مركز صيانه خاص بحضرتك من خلال الرابط التالى : 

https://www.samsung.com/eg/support/service-center/

نتمنى حل المشكله عند حضرتك فى أقرب وقت ممكن و

موجودين تحت أمرك وفى خدمتك فى أى وقت 

شكرا  لحضرتك ولوقتك