مشكله ف samsung A70

[Ziad1012]

انا عندي مشكله ف موبايل A70 الموبايل بيقطع صوت خالص لو حد اتصل بيا وانا بسمع اغاني فالهندفري ومش بيرجع الصوت يشتغل تاني غير لما اعمل رسترت للموبايل كده المشكله ف ايه !؟

انا عملتلوا فورمات قبل كده وبردو المشكله موجوده ممكن اعرف ايه حلها

[s-saber]

أنت عامل عدم الازعاج

[Amira-elnagar]

مساء الخيريا فندم  مع حضرتك اميرة من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجهك

بناء على سؤالك أستأذن حضرتك فى اتباع الأتى :

الضبط 1-

حول الهاتف 2-

ارجاع 3-

ارجاع الاعدادات 4-

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Omararef]

انا مش عايز اقفلك منو بس لاسف ده مشكلة في البورده وعن تجربة شخصية ومحدش عرف يحلها في الصيانة لان اي سي الصوت في مكان حساس جدا جنب المعالج واي غلطة او درجة حرارة عشان يتغير الجهاز كلو بيفصل فمحدش عرف يعملو ورميتو في البيت والمشكلة ده في كل الفئات من اول A30 A50 A70 ومحلات الصيانة كلها قلتلي كل الموديلات ده مليانة نفس المشكلة

[Ziad1012]

بس الموضوع ده ظهر قريب مع ان الموبايل معايا سنتين كان تمام مفيش اي حاجه

[Omararef]

هو الموضوع ده بيجي فجاه . انا كان معايا A50 فضل سنتين وشوية تمام وفجاه حصل فيه كده من غير اي اسباب وكنت محافظ عليه اكتر من نفسي 🤣🤣🤣

[Ziad1012]

يلا الحمدلله انها جت فحاجه تتعايش معاها عادي فالموبايل

[Omararef]

اه بالظبط الحمد لله