مساء الخير على الجميع

[جمعةيونس]

الكود بتاع البطاريه كل ما باجي اشغله بعد اخر تحديث مش شغال يا ترى المشكله عندي انا بس ولا عند الجميع نوع التليفونA51 

[Anonymous]

مساء النور يا استاذ جمعة
بالفعل الكود متوقف عن العمل في بعض الموديلات وفي بعض اخر لسه شغال عليه عادي

هو انت عايز تعمل ايه ؟

[جمعةيونس]

ضبط مصنع البطاريه

[Anonymous]

ماشي
بس هو مش ضبط مصنع قوي للبطارية
هو مجرد اعادة معايرة لنسبة الشحن اللي بتشوفها فوق دي تكون متوافقه مع نسبة الشحن الفعلية اللي في البطارية

مش انت تقصد برده الكود
*#0228#

[جمعةيونس]

ايوه انا اقصد الكود ده مش شغال بعد اخر تحديث

[Anonymous]

تقدر مؤقتآ تعملها يدوي لحد ما الكود ما يرجع يشتغل عندك بعد تحديث اخر
سيب الهاتف شغال لحد ما يفصل ويطفي ثم افتحه تاني واستخدمه لحد ما يفصل مره اخرى واستمر في الموضوع لحد ما الهاتف يرفض يفتح تاني بكده هيكون الصفر % صحيح تمامآ

اشحن الهاتف وهو مغلق لحد ١٠٠% ثم شيل الشاحن وافتح الهاتف لو فتح علي ١٠٠% يبقي كده خلاص لكن لو فتح علي اي نسبة اقل وصل الشاحن تاني وهو الهاتف مفتوح عادي لحد ما الشحن يكتمل

بكده انت عملت اعادة معايرة للنسبة يدوي
لو حاسس ان البطارية ادائها مش اد كده كرر الموضوع مرتين ثلاثه لتنشيطها انها تشتغل تاني بكامل احزائها
بس في التكرار كفاية يفصل مره واحده مش لازم تعصره يعني

[جمعةيونس]

تمام ماشي شكرا جدا لك

[samsungmena]

جمعةيونس

صباح الخير يا فندم مع حضرتك زهره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

بخصوص استفسار حضرتك استأذنك التأكد من بعض الخطوات

التأكد من استخدام الشاحن الاصلى الخاص بالجهاز

تجربة شاحن اخر مع الجهاز

قم بتخفيض درجه سطوع الشاشة

اغلاق الميزات الغير مستخدمة مثل البلوتوث وال GPS

قم بإغلاق التطبيقات المفتوحة والتى تعمل فى الخلفية وغير مستخدمة

قم بالتاكد من عدم وجود اى مشكله فى البطارية الخاصة بالجهاز او زر التشغيل

قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية

عن طريق الضغط على الضبط – صيانة الجهاز – البطارية – استهلاك البطارية

قم بإستخدام الجهاز على وضع توفير الطاقة

فى حالة استمرار المشكلة يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

يمكنك معرفة أقرب مركز صيانة عن طريق الرابط التالي

http://www.samsung.com/eg/support/servicelocation/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك