جلاكسى A51

[Ayman1997]

بطارية الموبيل كانت ١٠٠% خلال ٤ ساعات بدون استخدام بقيت ٨٤% هل حصلت مع حد قبل كده اول مره الاحظ البطاريه انها تقل ١٦% بدون استخدام وهل ده طبيعى ولا لاء

[Ayman1997]

اااه

[Ayman1997]

ومش كل الابليكشن حملتها
حملت اللى محتاجه بس

[Artist8]

ممكن طيب screen shot لليوم الى قبله ؟

[Ayman1997]

يوم ٢٦ و ٢٧

[Artist8]

مكنتش شوفت الصور معلش
هو فى واحدة فيهم إستهلاك الواتس آب عالى جدا ..
فهل أنت بتستخدمه كل ده فعلا ...
الحاجة التانية ، هو ليه خدمات بلاى إستخدامها عالى برده ، أنت الشبكة عندك ضعيفة ، أو النت بطئ ؟؟
غيرت إعدادات اللغة أكتر من مرة ؟
الحاجات دى ممكن تخلى إستخدام خدمات بلاى يبقى عالى

[Ayman1997]

الواتساب كتير بس وقت النهار علشان شغلى
اااه النت بطئ فى البيت
اللغه غيرتها كذا مره
كلامك صح

[Artist8]

بص كل ما تغير اللغة ، بيبدأ التليفون يحدث بيانات معينة بإستخدام خدمات بلاى ، و الموضوع ده بيستهلك بطارية كتير ، و لو النت بطئ ، فطبيعي إن خدمات بلاى هتشتغل وقت أطول عشان تحدث بيانات اللغة دى ، ده بنسبة كبيرة يكون السبب فى الاستهلاك العالى فى اليوم ده تحديدا ..
أضبط تليفونك ، و إشحنه و سيبه فى حاله
يعنى مثلا جرب يكون مشحون قبل ما تنام و سيبه شغال طبيعى من غير تغيير لغة و لا برامج مفتوحة و لا حاجة .. و شوف إستهلاكه هيبقى عامل إزاى لما تقوم الصبح قبل ما تبدأ تستخدمه و خد screen shot قبل الإستخدام و فى آخر اليوم بعد الإستخدام قبل ما تشحنه على طول و خلينا نشوف

[Ayman1997]

تمام خليك معايا بقا وانا هشحنه ١٠٠% وهقفل كل حاجه وهسيبه وهنشوف الصبح اول ما هصحى هيقل اى من البطاريه وهبعتلك اسكرين بردو

[Artist8]

تمام إتفقنا ، و لو إتأخرت عليك شوية متقلقش 🙂

[Ayman1997]

لما شحنته ١٠٠% شلته من الشاحن وسبته لحد الصبح قلت زى ما انت شايف كده
ده طبيعى ولا فى مشكله