Original topic:

توقف الشحن السريع A7 2017

(Topic created on: 09-05-2019 11:06 AM)
566 Views
mrezk
Active Level 6
Options
جالاكسى A
حد قابلة مشكلة توقف الشحن السريع فى اجهزة سامسونج عموما 
انا غيرت كابل وشاحن ومتاكد من تفعيل الشحن السريع ومفيش فايدة وقف لوحدة وعملت فورمات لو حد لية تجربة يقولى اعمل اية 
0 Likes
9 Comments
Mido123
Active Level 9
جالاكسى A
كان عندي
A5 2016
بيدعم الشحن السريع
كنت دايما بشحنه شحن سريع وبيديني العلامة
لحد ما فترة وبأ مايشحنش كويس ولكن علامة الشحن السريع لسه موجودة
فجيبت كابل جديد و
مبقتش العلامة بتظهر من أساسه وبعد كده جبت شاحن جديد وبرده العلامة مظهرتش
بس بيشحن كويس
فقولت أجرب اركب الشاحن والكابل القديم لقيت العلامة بتاعت الشحن السريع ظهرت
الخلاصة
في طريقة تواصل سرية بين الموبايل والشاحن والكابل الاصلين
بحيث يقولولوا يظهر علامة الشحن السريع
فاحتماليةيكون الحل انك تشتري شاحن وكابل اصلي من سامسونج نفسها
0 Likes
mrezk
Active Level 6
جالاكسى A
جبت شاحن جديد من سامسونج توكيل i2
وللاسف برضة
مش عارف هل مستاهلة اغير السوكت والبطارية فى التوكيل وافتح الجهاز وادفع ١٠٠٠ جنية ولا اية ..
هو بيشحن قياسى فقط دلوقتى
Mido123
Active Level 9
جالاكسى A
بص حضرتكوالبوست بتاعي هينقسم لنقطتين
١..حقائق
٢..رأيي الشخصي التافه اللي ملهوش اي أهمية
طبعا راي أخوي
أولا الحقائق
جوة موبايلك البردة والدوائر والبطارية وغيره بيبقى مقفول عليه بالغطاء وهنا مربط الفرس
١.. الغطاء بيكون متثبت بلزق شديد
٢.. علشان تفك الجهاز أولا بلزق على الشاشة بلاستيك علشان الخرابيش

بتجيب زي مكواه سخنه او استشوار
🥺٣.تسخن الدهر كله بما فيه منطقة الكاميرا
٤.حضرتك بتجيك سكينة وحتة معدن ومطوة وخنجر وكل الاسلحة البيضاء في السوق وطبعا بيكون اللزق انصهر فتدخل السكينة
٥ وتقعد تكحت وتحارب مع اللزق لحد ميديك مخرج
٦.تقوم حاطط حتة حديدة في الفتحة علشان متقفلش وتروح حتة تانية وكذلك
٧.هتجيب زي مساكة بلاستيك تلزقها في الضهر وتشد وكده الحمد لله فتحنا الضهر
😤😤😤😤🤕🤕🤕🤕
ااااه تعبت
احنا كنا واقفين فين
🥴🥴🥴🥺🥺
ايوة المعركة التانية
في لاعبيك كتير جوة واسلاك وكلبسات بتقفل علشان الكهرباء بس الاول
١.. يشيل المسامير وديه بتختلف من جهاز للتاني بس في الغلب ١٥ مسمار
مااااااااااعاااااادااااااااا
a80😱😱😱
تقريبا لما فتحته كان جواه
🥴🥴🥴🥴
٧٠٠٠٠٠٠٠٠٠٠
مسمار لان الكاميرا اللي بتطلع ليها مسامير والمتور ليه مسامير وصندوق الكاميرات نفسه
ليه مسامير معرفش ليه أكيد مش هغير واحدة
واحدة
حتى مستشعر البصمة ممكن يتشال مش فاهم هستفيد ايه بس رخامة من الشركة وخلاص
آسف على الخروج من الموضوع
٢.. بعد ما فكينا المسامير هتشيل الغطاء الداخلي اللي بيبقا فيه الميموري كارد
أكيد حضرتك هتشيل الميموري قبل العجن ده
٣..هتلاقي العروسسة الحلوة
🤢🤢تبدأ تشيل البوردة اللي فيها المعالج
بس زي ما وضحت لازم تشيل كل كلبسات الكهرباء
ملحوظة بوردة المعالج بيبقى فيها الكاميرا الامامية والخلفية
والامامية مش بتبقى متثبتة لانك بتفك ااكلبس
وبمعنى أخر لو الفني ضيعها هيبقى الموبايل أعور
😎😎😎
٤. جيه وقت البطارية اكيد حضرتك فاكر صندوق الاسلحة البيضاء
برافو حضرتك هتجيبو تاني وتقعد تعافر مع البطارية لانها بتبقى معمولة بنفس اللزق المعفن اللي مش بيتشال ده🤬🤬🤬
منهم لله
بعيدن لو عاوز تشيل دائرة الشحن ومدخل السماعة عادي براحتك
وبعد ما تخلص كل الاشلاء ديه وتبدلها هترجع كل حاجة زي ما كانت والكاميرا وكل البوردة وسلك الانتينا بتاع الشبكة وبعدين مساميرك
ونحط لزق من عندنا
وسخن تاني يا معلم
وألف مبروك موبايلك رجعتله الحياه من جديد
ديه الطريقة النموذجية



رأي الشخصي
أولا لازم تخلي بالك من حاجة مهمة
🤔🤔🤔🤔
١.أحنا في مصر
😂😂😂
يعني مش هتقدر تقنعني
ان صيانة القاهرة زي صيانة نيويورك ولا لندن
وحتى لو انا أعتبرت نفسي مصدقك وان الخبرات البشرية واحدة
😂🤣😂🤣😂🤣
فأكيد المعدات مش واحدة والتكنولوجيا مش واحدة
دحنا لو مكنة التسخين علقت معانا
بارك الله في الولاعة يا استاذي
لأن بيبقى عندك تل موبايلات لو قعدت إحسس على كل موبايل مش هخلص
٢.. وحضرتك ممكن تسأل اللي جربه
ممكن تبقى رايح تبدل شاشة تلاقي السماعة باظت او الكاميرا بقت وحشة او اي حاجة
لأنه ببساطة الحاجات دقيقة جدا وزي ما وضحت انك لو هتبدل بطارية لازم تشيل كل ده الاول
وممكن اعادة التركيب ينسى حاجة او حاجة متبقاش متركبة كويس
وبيني وبينك لو بعد ما قفلت وسلمت العميل الحاجة
وجالي بعد يومين وقالي اصل الموبايل في خربوش ولا الشاشة بترعش من معرفش ايه
ارتكب جناية ساعتها هو اسهل ما يكون
يعني الانتينا بتاعة الشبكة بتبقى حتة سلك رفيع معفن لو نسي يركبه الراجل
🤣😂🤣😂🤣😂
اللي عاوز اوصله لحضرتك
ان كل اللي قلته لحضرتك ملوش لازمة
ايوة حضرتك ما تعتلش همه
قد يكون بنسبالك صعب
ولكن مش حضرتك اللي هتفك التليفون
ده بيبقى متخصص فك قبل تليفونك ١٠٠٠ واحد زيه
فهو مش عارف
هو حافظ شغله
بس المشكلة بتبقى قلة الضمير والتسرع
فرايي المتواضع لو في امكانية انك تتحمل المشكلة بحيث نبقى في غنى عن كل هذا
ولا اقصد الفلوس ولكن مخاطر قلة الضمير
وحضرتك ممكن تبحث عن أفضل توكيل لاصلاح الهاتف بحيث يبقى الناس خبرة وعندهوتكنولوجيا كويسة مش يفتح بولاعة
😂🤣😂🤣😂🤣
0 Likes
mrezk
Active Level 6
جالاكسى A
شوف انا من البداية كنت لاغى فكرة انى اصلحة طالما بيشحن ومش مهم السريع من القياسى بس قلت يمكن يكون حد مر بالتجربة وتكون سهلة الحل لكن هارد وير انا مش هودية لا توكيل ولا غير توكيل
Hòssam
Active Level 8
جالاكسى A
طيب ايه السبب ان الشحن السريع مايشتغلش
0 Likes
جالاكسى A
يابشا الفون مدعوم الشحن السريع بالشاحن الاصلى بتاعه عشان الشاحن الاصلى 15وات
0 Likes
mrezk
Active Level 6
جالاكسى A
طب ما انا جايب الشاحن الاصلى وكمان الشاحن بتاعة جربتة على النوت ٩ وشغال والسكلة تمام
0 Likes
Mido123
Active Level 9
جالاكسى A
merzk
الحل الوحيد في رأي وديه رحلة استشفائية في أمريكا
😂😂
0 Likes
Ahmed1002003
Active Level 4
جالاكسى A
بص هو انا معرفش بصراحة لو حضرتك جبت الشاحن الاصلي ده من مكان معتمد زي الوكيل او اي موزع رسمي لسامسونج فا يريت تتاكد من دا ، ولو هو شاحن اصلي فا في عندك حلين ، الحل الاول انك تعمل reset to factory لان ممكن يبقى عيب software او انك تاخد الجهاز لاي فرع من فروع سامسونج وتخليهم يشوفولك المشكلة
0 Likes