بطارية A70

[AhmedNZ]

ساعه ببجى 4جى مستمر  ومدينى ٩ ساعات وربع سكرين اون تايم ولسه فيه ١٥ فى الميه

البطاريه تمام بس السوفت عايز تعديل خصوصا الكاميرا

[sameh25maher]

الكاميرا مش حلوة خالص

[AhmedNZ]

الكاميرا زباله طبعا الفوكس بتاعها بطيئ وبيغلط كتير وكمان النايت مود ضعيف والزوم فى وضع ٣٢ ميجا بكسل اللى المفروض يجيب الصوره بوضوح اعلى بتبقى اوحش وبتبقى سوفت جدا فهى زباله بصراحه ولما بنستخدم اى برامج تصوير تانيه مبيبقاش فى الغلطات دى فده عيب سوفت لازم يتصلح وللاسف الاجهزه الجديده اللى نازلها اندرويد ١٠ ده مش محلول فيها فمش عارف سامسونج دى هتشلنا ولا ايه بالسوفت بتاعها دى هو كويس طبعا بس لسه مش جاهز كويس

[Wesam5]

لا انا بالنسبالي الداتا كونكشن مش مظبوط

[القرشى]

بسم الله مشاء الله الله أكبر عايز إيه أحسن من كده .

[tamerelashry]

اكبر مشكلة في الجهاز البصمة

[AhmedNZ]

هى عندى كويسه جدا

[Sara-nader]

 مساء الخير يا فندم مع حضرتك ساره من سامسونج مصر

بنشكرك جدا علي طرح سؤالك 

في البدايه بعتذرلك جدا علي المشكله اللي واجهتك

بناءا علي سؤالك من الواضح أن حضرتك بتستفسر عن وجود مشكله فى كاميرا ال A70

بالنسبه للكاميرا:

أستأذن حضرتك فى اتباع الخطوات دى :

1- نقوم بالدخول على الكاميرا

2- ثم الدخول على الضبط 

3_ نقوم بتفعيل الكاميرا على أعلى جوده 

فى حاله استمرار المشكله 

يرجى عمل ضبط مصنع للجهاز عن طريق الخطوات الاتيه: 

- الضبط 

-الاداره العامه 

- اعاده الضبط 

-اعاده تعييين بيانات المصنع 

-اعاده الضبط 

-مسح الكل 

واستأذن حضرتك 

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج

 Samsung smart switch

http://www.samsung.com/eg/support/smartswitch/

ولو فى أى مشكله عند حضرتك فى البطاريه 

ممكن نتبع الخطوات دى : 

1.قم بتعديل درجة سطوع الشاشه

2-كل ما كانت الشبكه ضعيفه كل ما كان التليفون بيبذل جهد وبيقوى الشبكه فبالتالى بيسحب من البطاريه 

3-قم باغلاق التطبيقات المفتوحه 

4-قم بالتأكد من عدم وجود أ مشكله فى البطاريه الخاصه بالجهاز أو زر التشغيل 

5-قم بعمل اعاده ضبط المصنع للجهاز 

6-استخدام الشاحن الاصلى بالجهاز 

بالنسبه لموعد اصدار اندرويد 10 الخاص بجهاز ال A70

( يتم الاستعداد لأطلاقه في أبريل 2020)

والتحديث بيعالج مشكال كتير ابرزها :

 1-أداء البصمة بيكون افضل

2-تسجيل البصمة بيكون بدون مشاكل

3-الكاميرا أدائها بيكون أفضلٍ

4-وأخيرا تحسن ملحوظ في أداء البطارية

أستأذن حضرتك فى تفعيل التحديث التلقائى وهيوصل لحضرتك التحديث بمجرد صدوره

لو فى أى سؤال تانى عند حضرتك ممكن توضحهولنا 

واحنا تحت أمرك فى أى وقت وفى خدمتك دايما 

شكرا  لحضرتك ولوقتك

[munazeer]

ببج