نوت ١٠ لايت

[aboriham]

جهازي galaxy note 10 lite مش بيشحن بالشاحن الاصلي ولما اوصل الشاحن بيجيلي في الاشعارات تم توصيل موصل usb وبعد ثانيه يتغير الاشعار تم فصل موصل usb وصلته بشاحن عادي بيشحن بطئ والبطاريه بتخلص بسرعه مع العلم اني جربت الشاحن ع فون تاني اشتغل كويس 

[MÀŔĹĒÝ]

نفس المشكله مع a71

[aboriham]

وصلت لحل ولا ايه

[Kirolos_Habib]

لو جربت تليفون تاني علي الشاحن الاصلي و التليفون اشتغل عادي
كده في مشكله في مدخل شحن الجهاز بتاعك
ف يستحسن تروح التوكيل بتاع سامسونج
و بأذن الله مشكلتك تتحل
لو في اي استفسار او سؤال ممكن حضرتك تشرفنا في صفحتنا على الفيسبوك
https://www.facebook.com/Jk-106248377878382/

[MÀŔĹĒÝ]

روحت التوكيل جربت الشاحن هناك اشتغل وقالتلي نضف السوكت

[aboriham]

مشكلة حضرتك كانت ايه بالضبط

[heroone]

اولا : نضف سكوت الشاحن والجهاز
ثانيا : اعمل ارجاع للضبط ( الضبط - الادارة العامة - اعادة ضبط - ارجاع الضبط) ويفضل غلق تطبيقات الخلفية قبل ذلك

[aboriham]

عن تجربه حضرتك

[heroone]

عملت كده من مدة طويلة جدا فى جهاز a5 2016 ونفع الحمد لله.
وتنضيف السكوت بيبقى بابرة او دبوس وتمسح بيها السكوت بس بخفه شديدة.
اما ارجاع الضبط فده غير اعادة ضبط المصنع اللى بتمسح كل حاجة.
وكان فى احد الاعضاء الكرام هنا كان عنده نفس المشكلة وقولتله الحل ده وجربه ونفع الحمد لله .
فجرب وخليها على الله ومش هتخسر حاجة وان شاء الله ينفع.

[aboriham]

شكرا جزيلا