لماذا لا تدعم سامسونج برنامج مدمج في السوفت وير لصحه البطاريه وحالتها (مثل الايفون ) .
برنامج accuBattery برنامج جيد لمعرفه حاله البطاريه والحرارة اثناء الشحن و يوجد به مميزات عديدة يمكن من خلالها الحفاظ علي عمر البطاريه ، برغم انه ليس دقيق بنسبه 100% .
اتمني من سامسونج دعم برنامج مثل ذلك واعتقد انه سيكون اكثر دقه ، لان الكثير من المستخدمين يهتمون بعمر البطاريه والمحافظه عليها اطول فترة ممكنه .
الاستخدام السئ هو اللي بياثر علي البطاريه ، لكن البرامج دى بيكون فيها ارشادات للحفاظ علي البطاريه ، مثلا الشحن لغايه ٨٠% ، فصل التيار اذا لاحظت ارتفاع حرارة البطاريه والجهد الخاص بيها ودا بيعتمد علي سينسورات الهاتف والبرنامج بيوضحلك دا قدامك بدون انك تحس الحرارة بايدك مثلا .. وبصراحه حجات تاني حلوة افادتني مع استخدام البرنامج
مساء الخير يا فندم مع حضرتك اميرة من سامسونج مصر بنشكرك جدا على طرح مشاركتك معانا وبنتمنى لحضرتك يوم سعيد بناءا علي مقترحات حضرتك بيتم توضيحها للقسم المختص و تاكد ان هدفنا رضائك في تحسين الخدمة و تطويرها هتلاقينا موجودين تحت أمرك فى أى وقت شكرا لحضرتك و لوقتك
رايك يحترم طبعا ، بس انا عن نفسي استفدة منه كتير ، واستخدمته علي اكتر من موبيل وكان بنسبه تقريبيه بيديني حاله البطاريه (الصحه) وفترة نفذاها وحاجه كمان كويسه انه بيوضح الفولت والامبير الواصل للبطاريه من الشاحن ودا اكيد حضرتك شوفته ، يعني الكابل الاصلي يختلف تمام عن التقليد في توصيل الفولت واللي ممكن ياثر علي البطاريه. وانا كنت بتمني يكون برنامج من سامسونج موجود داخل السوفت واكيد سامسونج هتصممه بمعايير تحافظ علي البطاريه اكتر م البرامج الخارجيه . ثانيا فكرة ان الشحن لغايه ٨٠% فقط للحفاظ علي البطاريه من الجهد الزايد دى موجودة في بعض الاب توب الحديثه و ناس كتير بتعمل كدة وبتنصح بكدة .
