انا عملت موضوع انهارده علشان اوعى الناس المقبله على شراء هاتف جديد .
ارجو من الناس لما تاخد الخطوه دى انها تشترى هواتفها من اماكن معتمده او التوكيل بغض النظر عن السعر بيكون مرتفع عن المحالات التجاريه الآخرى..
لان انا حصل موقف معايا وانا بشتري هاتف جديد اخر اصدار من عائله النوت وذهبت لاكثر من محل اشوف سعرو ف السوق لاقيت فرق السعر عن التوكيل اقل بحاولى من الف ونص ل الفين جنيه وف بعض الأماكن اكتر .
فقولت انا ليه ادفع السعر الغالى ده انا اوفر الفرق ده ليا وقررت فعلا الشراء .
جابلي الجهاز طبعا متبرشم قدامى والضمان بتاعو كمان موجود فتح العلبه وفك البرشام وطلع الموبيل وشغلو .
انا لاحظت وهو بيفتح العلبه لاحظت وجود اثار تراب بالداخل انا قولت عادى مافيش مشكله ولما مسكت الموبيل ف ايدى شكلو جديد قدامى وطبعا الاضائه بتاعه المحل مبتبينش اى حاجه على جسم الموبيل وانا خلاص هطلع الشريحه وهركبها لاحظت وجود خرابيش على شاشه الموبيل وهنا ده زود شكوكى اكتر قولتلو لحظه ف خربوش على الشاشه قالى اذاى ده جديد انا فاتح العلبه قدامك والبرشام بتاعها قولتلو انا مصدقك بس فيه خرابيش ف الشاشه مسك الموبيل قعد يمسح ف الشاشه مليون مره وجاب اسبريه وقعد يمسح فيها انا شوفت المنظر قولت مستحيل هطلع جنيه من جيبى ده غير طبعا ان لاقيت صاحب المحل وال معاه اتلمو على الموبيل وكل واحد يقول كلمه ياعم عادى ده ممكن يكون من الشركه والخربوش بسيط مش باين مش هياثر معاك ف حاجه المهم هو عايز يقنعك وخلاص وانا رفضت تماما انا بشتري جهاز جديد انا مبجبش جهاز مستعمل وبعدين سعر الموبيل غاالى انت بتدفع رقم كبيير هفرح بالموبايل دلوقتى علشان مستعجل وعايز اشترى وخلاص لاء طبعا وكان معاه الضمان والسريال وكل حاجه ومشيت فورا من المحل .
وروحت التوكيل جيبت الموبيل اه دفعت اكتر من السعر ال كنت هشترى بيه من بره بالف ونص ولاحظت الفرق الكبير ف فتح العلبه وان العلبه جديده فعلا مافيش ذره تراب جواها والموبيل مافيهوش اى نوع من الخرابيش او حتى ايد لمستو .
ومن هنا قررت ان مستحيل افكر اشترى موبيل من اماكن غير التوكيل او موزع معتمد بيبيع اجهزه ومنتجات من نفس الشركه .
متفرحش بفرق السعر او تكون مستعجل علشان تمسك الموبيل وتفرح بيه لكن صدقنى بعد كده هتلاقى نفسك بدقق ف كل تفاصيل الموبيل واى حاجه هتظهر فيه هتزعلك .
ولو حصل اى مشكله تاكد ساعتها انها هتكون فعلا عيب صناعه وده بيبقى قليل وهتعرف تاخد حقك وقتها لكن لو كنت خدت الموبيل ومسيت ورجعتلو تانى مشتحيل هيرجع فلوسك ويقولك ان فاتح الموبيل قدامك وبالرغم ان معاك فاتوره الشراء هيقوبك مشكلتك دلوقتى مش معايا مع التوكيل روحلهم وتلاقى نفسك دخلت ف دوامه
وكلامى ده مش بعمم بيه جميع المحلات ف ناس محترمه وعندها ضمير .
